Kjøttkaker i brun saus

Planen i dag var eigentleg fiskegrateng frå Findus, men eg fekk plutseleg så lyst på kjøttkaker. Dette er noko eg ellers berre et når eg er hos mormor sidan ingen kjøttkaker nokon sinne har kunna måle seg med hennar. Det kan for så vidt ikkje desse heller, men det var innanfor godkjent i følgje magen min, så då vert det kanskje kjøttkaker litt oftare heretter.

Til ca 10 kjøttkaker treng du:

• 400 g karbonadedeig
• 1,5 ts salt
• ca. 1/4 ts pepar
• 1/4 ts malt muskat (kan sløyfast)
• 1/4 ts malt ingefær (kan sløyfast)
• 2 ss Maizena el. potetmjøl
• 1,5 dl mjølk el. vatn

Bland saltet godt inn i karbonadedeigen. Rør in krydder og potetmjøl og spe med mjølk/vatn, litt om gongen.

From farsen til runde kaker ved hjelp av ei skei, handa og kaldt vatn.

Steik kakene i ei middels varm steikepanna til dei har fått ein fin bruning på kvar side.

Ha kakene i brun saus.

Brun saus (frå Ingrid Espelid Hovig's "Den rutete kokeboken"):

• 4 ss smør
• 6 ss kveitemjøl
• 1 liter buljong
• salt og pepar
• 0,75 dl matfløyte

Brun smør i ein kjele. Ha i mjølet og brun det litt. Rør heile tida. Pass på å ikkje bruna det for mykje, ellers kan sausen få ein brent smak. Ta kjelen av plata og avkjøl bruninga litt.

Spe på med kokande buljong. Ha først i halvparten og rør til ei glatt røra. Tilsett så resten. Sett gryta tilbake på plata. Rør til det kokar opp, og la sausen koka 5-10 minuttar. Smak til med salt, pepar og fløyte. Om du synst sausen vart litt for lys kan du ha i sukkerkulør, men det er ikkje nødvendig for smaken sin skyld. Server med poteter og ertestuing.

Sjokoladevafler

Kven seier at ein ikkje kan kosa seg på ein heilt vanleg måndag? Ikkje eg i alle fall, så i dag small eg til med sjokoladevafler. Har lenge hatt lyst til å prøva denne oppskrifta frå Tine, men det har liksom aldri blitt tid til det...heilt til no! Gjor ein liten vri og hadde i litt finhakka kokesjokolade for å få ekstra sjokoladesmak. Huskar eg prøvde meg på sjokoladevafler ein gong då eg va liten, men utan mykje hell. Desse deriomot blei eg ganske så fornøgd med. Dei er nesten litt som brownies i vafelform, men ikkje heilt. God og kraftig sjokoladesmak er det i alle fall på dei.

• 4 dl mjølk
• 2 egg
• 2,5 dl kveitemjøl
• 0,5 dl kakao
• 2 ts bakepulver
• 1 ts vaniljesukker
• 3 ss sukker
• 0,5 ts salt
• 50 g smør (smelta)
• 50 g kokesjokolade

Visp egga og tilsett mjølk. Bland dei tørre ingrediensane og rør dei inn i egge- og mjølkeblandinga saman med smelta smør. Kvern sjokoalden til fint pulver og ha den i røra. La vafelrøra stå og svella i 15 minuttar. Steik vaflene i varmt vafeljern og server dei nysteikte med is, krem eller vaniljekesam, og friske bær om du har.

Knekkebrød med gulrot

Eg vart ikkje så fornøgd med dei knekkebrøda som eg laga for ei stund sidan, så eg fjerna oppskrifta frå bloggen. No prøver eg meg igjen med ei oppskrift lånt frå  Trines Oppskrifter, og denne gongen skal eg følgja oppskrifta til punkt og prikke. Trur kanskje eg skal prøva å få til knekkebrød skikkelig før eg begynna eksperimentera så mykje. Fekk forøvrig nokon knallgode knekkebrød av bestmor til min kjære, som eg skal prøva få oppskrifta på og prøva å få til, men eg kjem tilbake til desse seinare. No er det knekkebrød med gulrot som står i fokus. Denne gongen fekk eg det skikkeleg til, og dei vart knallgode! Så no har eg nytt eit lite fat med knekkebrød og sol på verandaen :)

Til 2 brett treng du:

• 50 g kveitemjøl
• 1 lita gulrot (ca 50 g)
• 50 g sesamfrø
• 100 g havregryn
• 50 g linfrø
• 50 g solsikkekjernar
• 2 ts salt
• 100 g rugmjøl
• 1 ts bakepulver
• 0.75 dl rapsolja
• 2 dl vatn

Forvram steikeovnen til 200°C på varmluft. Ha alt det tørra i ein bolle og bland godt saman. Tilsett det flytande og bland godt saman igjen. Finn fram to steikebrett med bakepapir og fordel deigen på desse. Smør deigen utover med fuktige fingrar. Dypp gjerne fingrane undervegs òg. Rut deigen opp før du set bretta i steikeovnen, då knekk dei nemleg lettare opp når dei er ferdige. Steik knekkebrøda i 12-15 minuttar, bytt gjerne rundt på bretta ca halvvegs i steiketida. Og husk å FØLGJA MED, plutselig er nemleg knekkebrøda ferdige.

Ostesaus

Denne oppskrifta her eg riktignok blogga før i dette innlegget, men den er så god og enkel at den fortenar eit innlegg heilt for seg sjøl. Sausen kan brukast som tilbehør til både kylling og fisk, og sikkert svin og biff òg. Dessuten kan den varierast etter kva type kremost ein brukar og kva krydder ein vel å ha i, så mogelegheitene er mange.

Beklagar dårleg bilde. Er det nokon som har tips til fotografering av saus?

4 porsjonar:

• 130 g kremost (eg har brukt Philadelphia Hvitløk & urter)
• 1 buljongterning (høns eller kylling)
• 1 dl vatn
•  3 dl matfløyte
• timian (eller anna krydder)
• salt og pepar

Smuldre buljonterningen i vatnet og kok opp. Ha i fløyten og kremosten. Rør til osten er oppløyst. Ha i timian, salt og pepar. Server med ein gong. Vanskelegare er det ikkje, og så smakar det så godt!

Præriepai

I dag er det igjen fri frå jobb og då pleier eg å laga middag som kan ta noko lenger tid enn det eg orkar etter ein dag med jobbing. Dette er ein sånn middag. Og sidan me bur på Prærien synst eg det berre var naturleg å kalla denne paien opp etter det. Den kan minna noko om sheperds pie eller cottage pie, men dei er utan paibotn. Denne er derimot ikkje det. Og som de kan sjå så klarte verken eg eller min kjære å venta så lenge at eg fekk teke bilde av ein heil pai denne gongen heller. Ein lite tips for å bruka minst tid på å laga paien er å lesa gjennom heile oppskrifta då det er ting som kan lagast medan du ventar på noko anna.

Til 4 personar treng du:

Paibotn

• 100 g smør
• 3 dl grovt mjøl
• litt salt
• 4-5 ss kaldt vatn

Potetstappa

• 6-8 medium store poteter
• ca 50 g margarin
• ca 1 dl mjølk, fløyte eller ei blanding av dei to
• Salt og pepar

Kjøttfyll

• 1 lauk
• 2-3 fedd kvitlauk
• 400 g karbonadedeig
• 2 ss mjøl
• ca 2,5 dl vatn
• 1 kjøttbuljongtrening
• 3 ss tomatpuré
• 1 boks (415 g) skiva sjampinjong
• oregano
• salt og pepar

Lag til paideigen først. Del smøret i terningar og ha det i ein bolle. Bland det saman med mjøl, salt og vatn til du har ein smidig deig. Kjevl så ut deigen til den passar til paiforma di. Eg har alltid litt problemar med å få deigen frå benkeplata til forma etter utkjevling, så eg kjevlar til den passar i botn og så trykker eg deigen opp på kantane. Bruk den teknikken som passar deg best. Det er heller ikkje så dumt å smørja forma, noko eg gløymde, men det gjekk fint likavel.

Lag små hol i deigen med ein gaffel el. Sett den så i kjøleskapet og varm opp ovnen til 225°C eller 200°C dersom du brukar paifunksjon. Når steikeovnen er varm nok forsteiker du botnen i 10-12 minuttar.

Medan paien steiker begynnar du å skrella og dela potetene. Kok dei til dei er møre. Tøm av vatnet og ha i smør og mjølk. Mos potetene til potetstappa med potetstappar eller stavmiksar. Smak til med salt og pepar.

Medan potetene kokar hakkar du lauken og kvitlauken. Surr dette i olja til lauken er blitt mjuk. Ha i karbonadedeigen og bland til den er ferdigsteikt. Dryss så over mjøl og bland godt. Ha i vatn, buljongtreningen og tomatpurèen. Bland det saman og ha så i soppen. La det koka til noko av veska har kokt inn. Smak til med oregano, salt og pepar. Ha kjøttfyllet i paibotnen og fordel potetstappa oppå. Steik paien midt i ovnen på anten 225°C eller 200°C alt etter kva funksjon du brukar (sånn som med forsteikinga) i 20 minuttar. Server gjerne med grøn salat og ein klatt rømme :)

Som de ser av bildet så var paien vellukka ;)

TIPS: om du vil ha ein middag som er raskare å laga kan du laga kjøttfyllet og servera den med potetstappa

Ripsmuffins med kvit sjokoladeganach

Idèen til denne oppskrifta fekk eg då eg stod med hovudet inni ripsbusken og plukka rips. Rips er jo som de veit syrleg, og kvit sjokolade kan vera kvalmande søt om den blir eten åleina, så då vil jo desse jamna kvarandre ut, tenkte eg. I denne muffinsen er det kvit sjokoalde både inni og som sjokoladeganach på toppen.

Til 16 muffins treng du:

• 2 egg
• 2 dl sukker
• 100g smør
• 4 dl kveitemjøl
• 2 ts bakepulver
• 1 ts vaniljesukker
• 1,5 dl mjølk
• rips
• 100 g kvit sjokolade

Sett steikeovnen på 180°C. Smelt margarin og la det avkjøla litt. I mellomtida piskar du egg og sukker til eggedosis. Bland alle dei tørre ingrediensane, og tilsett desse vekselvis med mjølk og smelta smør. Hakk opp sjokoladen og vend den inn i røra for hand. Fyll opp muffinsformene 2/3. Strø så over rips, så mykje som du vil ha og dytt dei litt ned i røra. Det er ein fordel om du har eit muffinsbrett, då er du garantert at muffinsane ikkje vil flyta utover. Hvis du ikkje har det er det lurt å bruka to former til kvar muffins. Steik i ca. 20 minuttar.

Kvit sjokolade ganach:

• 100 g kvit sjokolade
• 1/2 dl fløyte
• 1 ss smør

Kok opp fløyten og ta den av plata. Knekk opp sjokoladen i bitar og rør den inn i fløyten. Rør så inn romtemperert smør. La den stå til den har fått romtemperatur. Ha den så i kjøleskapet i ca 30 minuttar. På mine muffins tok eg å pensla ganachen på, sidan eg synst det blei så grisete å bruka sprøytepose. Her er det smak og behag som avgjer korleis deu gjer det, men spørytar du på må du nesten rekna med å laga dobbel prosjon med ganach. Uansett så endar du opp med ein god og litt annerledes muffins.

Ripspai med vaniljeis

Eg driv forsatt å plukkar på rips frå hagen. Det verkar nesten som om den busken aldri blir tom, så i dag tok eg meg ei skikkeleg god økt og plukka så mykje som eg orka. Noko blei brukt til denne paien, noko skal lagast meir ripssyltetøy av og noko skal frysast til seinare bruk. Har allereie ei oppskrift med rips i tankane, så de får berre følgja med framover. Hvis de, som eg, har ein ripsbusk i hagen så er det ikkje dumt å plukka og frysa ned. Det er ekstra godt med heimaplukkka bær utover hausten, derfor var eg og Helena òg på blåbærtur sist søndag der me fekk plukka tilsaman 8 liter før me gav oss, så det blir nok nokon blåbæroppskrifter utover hausten òg. Oppskrifta på paien har eg lånt frå Middag og mer.

• 2 egg
• 2,5 dl sukker
• 2 dl kveitemjøl
• 2 ts vaniljesukker
• 2 ts bakepulver
• 2,5 dl rips
• sukker
• kanel
• kald Melange
• evt potetmjøl

Sett steikeovnen på 200°C. Pisk eggedosis av egg og sukker. Pisk inn kveitemjøl, vaniljesukker og bakepulver. Hell så massen over i ei paiform og lat den flyta ut i kantane. Strø på ripsen. Om den er litt blaut kan det vera lurt å ha på 1 ss med potetmjøl. Strø over så mykje sukker og kanel som du vil. Eg hadde på veldig mykje kanel og ikkje så mykje sukker, sidan me er veldig glade i kanel her i huset. Ta ut Melange frå kjøleskapet og bruk ostehøvel for å få tynne skiver av smør. Legg smørskivene utover heile paien. Steik den midt i ovnen i 25-30 minuttar. Har steikeovnen din paifunksjon er dette ein ypperleg anledning til å bruka den. Server paien lun med vaniljeis, anten det er heimalaga eller butikkkjøpt. Min vaniljeis er butikkjøpt, så veit de det.

Kvardagsgryta

Denne veka begynnte eg i ny jobb på Esso. Ein skulle trur at å laga hamburger og vaska diverse hyller og dører ville føra til at eg ikkje hadde noko behov for å verken vaska eller laga mat på fridagen min. Den gong ei! I dag har eg verkeleg teke fram mi indre husmor og vaska vindauger, rydda i alle kleda mine, vaska skitne klede, plukka nokon kilo med rips og laga middag og dessert (eige innlegg seinare i kveld). Middagen i dag blei, som de skjønnar av overskrifta, kvardagsgryta. Dette er ei enkel og grei gryta å laga, sidan den verken tek lang tid eller krev dyre og merkelege råvarer. I tillegg så er den ganske så sunn ;)

3-4 porsjonar:

• 400 g krabonadedeig
• matolja
• 1/2 purre
• 2 fedd kvitlauk
• 5 gulrøtter
• 1 terning grønsaksbuljong
• 2 dl vatn
• 1 boks hermetiske tomater
• salt og pepar

Steik karbonadedeigen på høg varme saman med olja. Kutt purren fint og finhakk kvitlauken. Riv gulrøttene. Ha så alt saman, innkludert tomatene, i gryta. Bland saman buljongtreningen og vatn. Tilsett buljongblandinga i gryta og la det koka nokon minuttar, til du er fornøgd med gryta. Alt frå 5 til 10 minuttar skulle halda. Smak til med salt og pepar.

Server med potetstappa eller poteter. Her i huset falt valget på potetstappa enkelt og greit sidan dette tek mindre tid enn å koka poteter.

Banankaka

Dette er ei kaka eg har laga mange gongar. Så og sei kvar gong eg har hatt to eller fleire brune bananer på kjøkkenet. Laga denne òg i går, saman med knekkebrøda og ripssyltetøyet, men fekk ikkje tid til å skriva noko blogginnlegg før i dag. Dette er ein sikker vinnar i mi bok i alle fall. Einaste som kan slå feil er at kaka ikkje er skikkelig steikt i midten etter endt steiketid. Dette skjer på grunn av varierande størrelse på bananene frå gong til gong, og kan lett ordnast ved å steja kaka inn igjen i ovnen ei stund.

• 150 g margarin
• 2 dl sukker
• 2 egg
• 4 dl kveitemjøl
• 1 ts bakepulver
• 1 ts vaniljesukker
• 1 ts kanel
• 2 godt modne bananer
• 100 g mørk sjokolade

Varm opp steikeovnen til 175°C. Smør ei brødform som rommar 1 liter. Rør så smør og sukker kvitt. Her er det ein fordel om smøret er litt mjukt. Ha i egga og bland godt. Bland så alt det tørra, utenom sjokoladen, og ha det i bollen. Bland igjen. Mos bananene med ein gaffel og ha dei i røra. Hakk så opp sjokoladen i passelege bitar og vend dei inn i røra for hand. Ha så røra i forma og steik på midderste rilla i 45 minuttar. Som sagt så kan det vera du mår steika kaka lenger, det må du berre sjå ann etter endt steiketid. Avkjøl kaka noko før du tek ho ut av forma. Så er det berre til å nyta, gjerne med ein kopp kaffi eller ei glas mjølk.

Ripssyltetøy

Har fått ei skikkeleg husmorbyga i dag, så her kjem oppskrift nr. 2 for dagen. Denne oppskrifta fant eg på bloggen Kjøkkenkroken før i veka. Og det passa heilt perfekt, sidan eg har lurt på kva eg skal gjera me all ripsen som begynnar å bli moden i hagen. Ripssyltetøy er noko eg aldri har høyrt om før, så då måtte eg jo sjøvlsagt berre prøva.

Til ca 500 g syltetøy treng du:

• 5 dl vaska og renska rips
• 1/2 dl vatn
• 250 g sukker

Kok opp vatn og sukker. Skru så ned varmen og ha i ripsen. La det koka på svak varme i ca 20 minuttar. Bæra skal bli litt mørkare i fargen. Mos gjerne ripsen med ein potetmosar eller liknande hvis du vil ha mindre klumpar i syltetøyet ditt. Når det er ferdig å koka har du syltetøyet rett på glas. Skru på lokk og la det avkjøla. Konsistensen vil bli tjukkare når den er heilt avkjølt, så ikkje blir bekymra om den ser noko tynn ut når du har den på glas.

Marknad på Voss

Denne veka var det marknad på Voss. Der hadde dei mykje forskjellig, og deriblant mat frå mange andre land i Europa. Uheldigvis dreiv dei å pakka saman då eg kom, så det vart ikkje så mykje kikking og handling denne gongen. Heldigvis er det ny marknad i Bergen i begynnelsen av november, så då kjem ein ny sjangs :) Her er nokon bilete frå marknaden.