Pizzasnurrar med tacosmak

Dei seier at utsjånaden skjemmer ingen. Desse pizzasnurrane vinn så absolutt ikkje nokon skjønheitskonurranse, men det dei ikkje har av utsjånad tek dei igjen på smak. Dei er sjølvsagt aller, aller best når dei er ferske ut av steikeovnen, men dei er veldig gode om ein frys dei og tinar dei i steikeovnen òg. Dei er òg kjempe fine å ha med til lunsj.

Til ca 20 pizzasnurrar treng du:

Fyll:

• 400 g karbonadedeig
• matolja
• 1 hakka løk
• 2 fedd finhakka kvitløk
• 1 boks hakka tomater (ca 400 g)
• 2 ss tomatpurè
• pepper
• salt
• oregano eller basilikum
• ca 1 dl vatn
• 5 dl reven ost
• 1 pose tacokrydder

Pizzadeig:

• 1/2 pakke fersk eller tørr gjær (eg brukte tørr)
• 3 dl lunka vatn
• 2 ss olja
• ca 7 dl mjøl (eg brukte ei blanding mellom sikta kveitemjøl, grovt kveitemjøl og grovt rugmjøl)
• salt

Om du brukar fersk gjær:

Rør gjæren ut i vatn og tilsett olja, mjøl og salt.

Om du brukar tørr gjær:

Bland gjær og mjøl. Tilsett vatn, olja og salt

Elt deigen godt saman og la den heva til dobbel størrelse.

Forvarm steikeovnen til 225°C

Lag kjøttsaus:

Brun kjøttdeigen i olja på strek varme. Tilsett løk, kvitløk, tomater, tomatpurè, salt, pepper, vatn og tacokrydder. La sausen småkoka i ca. 10 minuttar til den blir ekstra tjukk. Dryss over oregano/basilikum.

Kjelv deigen til ein avlang firkant (ca 30x50 cm). Smør kjøttsausen utover og rull saman sånn at deigen blir ei pølsa (nett som med kanelbollar). Skjær den i stykker på ca 1,5 cm tjukke skjever og legg dei på ei bakepapirkledd steikebrett. Dryss på ost og ekstra fyll som paprika eller sopp hvis du vil ha det.

Etterhev pizzasnurrane i ca. 10 minuttar. Steik midt i steikeovnen i ca 15 minuttar

Makaronigrateng

Eg er ein stor fan av gratengar sidan dette ofta betyr at ein slepp å laga til middag dagen etterpå. Denne oppskrifta er lånt frå boka "1 kjøttdeig, 100 retter", men endra litt på den då eg bytta ut mais med sopp, dijonsennep med vanleg senep og vellagra ost med norvegia + parmesan. Og det vart veldig godt!

6 porsjonar:

•  1 løk, hakka
• 2 fedd kvitløk, finhakka
• 400 g karbonadedeig
• 1 liten boks sjampinjong 
• 1 boks hermetisk tomat, ca 400 g
• 1 ts tørka urter, valgfritt
• ca. 4 dl makaroni
• 2 ss smør
• 3 ss kveitemjøl
• 5 dl mjølk
• 2 ts sennep
• 250 g reven ost
• salt og pepar

Forvarm steikeovnen til 200°C. Steik løk og kvitløk til den er mjuk og blank, Ha i karbonadedeigen til og steik til den begynnar å bli brun. Rør inn sopp, hermetiske tomater og urter, og mska til med salt og pepar. Skru ned varmen, Legg lokk på og la sausen stå og småkoka i 25-30 minuttar. Rør om av og til.
Kok makaronien etter anvisning på pakken. Smelt i mellomtida smør i ei lita panna Dryss på mjøl og fres under omrøring i ca 2 minuttar. Ta kjelen av plata og visp inn litt og litt mjølk om gongen. Sett panna tilbake på plata og kok opp medan du rører heile tida. Skru ned varmen og lat det småkoka under omrøring i 5  minuttar til den er tjuk og glatt. Ta panna av plata og rør inn sennep og 150 g av osten. Rørtil osten har smelta heilt. Sil av makaronien og bland den godt i ostesausen.
Smør ei eldfast form og ha kjøttsausen i. Legg ostesausen jamt over. Dryss resten av osten på toppen og steik under grill i 4-5 minuttar til toppen er gyllen og osten har smelta. Server gjerne med grøn salat og godt brød.

Kjøttdeigbrød

Denne oppskrifta fant mamma for mange år sidan i eit eller anna vekeblad, og sidan har dette blitt servert med jamne mellomrom. Veldig enkelt å laga, og heilt utan "farglege" ingrediensar. Med farlege ingrediensar meiner eg då rare og unvanlege, dei som ikkje er farlege er smakar ein kan finna i kva som helst kjøkken i heile Noreg, som f.eks. lauk og gulrøtter, salt og pepar. I orginaloppskrifta stod det at ein skulle ha bacon i, men det hadde ikkje mamma første gongen ho laga det, så då har det aldri vorte med sidan heller. Det får ein gjera som ein vil. Hadde eigentleg planar om å ha ruccola til òg, men det fant av ein eller annan grunn ikkje vegen ned i handlekorga. Heldigvis smaka det lika godt utan. Men nok om det, her kjem oppskrifta.

3-4 porsjonar:

• 400 g karbonadedeig eller kjøttdeig
• 1 liten lauk, finhakka
• 1 fedd kvitlauk, finhakka
• 1 ss olja
• 2 gulrøtter, finhakka
• 1 ts oregano
• (150 g bacon)
• 50 g brødrasp
• 1 egg
• ketchup
• salt + pepar

Forvarm steikeovnen til 180°C. Surr lauk og kvitlauk i steikepanna med litt olja. tilsett gulrot, oregano, salt og pepar, og lat det surra i ca 5 minuttar. Legg på fat og la det avkjølast litt. (Steik bacon til det er sprøtt). Rør kjøttet med brødrasp og egg. Kryddre med litt salt og pepar. Tilsett dei avkjølte grønsakene (og bacon). Form farsen til eit avlangt brød og legg det på eit bakepapirkledd steikebrett eller i ei folieform. Smør overflata med ketchup og steik midt i ovnen i 35-45 minuttar. 

Server med tagliatelle og ruccola.

Potet- og gulrotgrateng med karbonadedeig

Av og til får eg for meg å bla i ein av dei mange kokebøkene eg har i søken etter inspirasjon. Denne retten er inspirert av ei oppskrift eg fant i boka "Frå bollar til burritos". Alle som har hatt heimkunnskap på grunnskulen huskar vel denne? Eg har bladd gjennom denne nokon gonger, og det er i grunn mykje godt i enkelt å finna her, så eg skal prøva å bruka denne (og dei andre) litt meir. Dette er ein litt sånn ta-det-du-har-grateng eigentleg. F.eks kom eg på då eg var nesten ferdig med å laga til i den eldfaste forma at eg hadde ein liten slump med frossne erter i frysen, så då vart dei med. Så ta det du har og lag i veg, og server gjerne med salat og godt brød. Men berre hvis du har altså ;)

4 porsjonar:

• 4-5 poteter, strimla
• 4 gulrøtter, strimla
• 1 løk, hakka
• 400 g karbonadedeig
• 2 dl kvitost, riven
• salt
• pepar
• timian (kan bytast ut med anna krydder)
• 2 dl lettmjølk
• 1 dl fløyte
• ca 1 dl frossne erter

Forvarm steikeovnen til 225°C. Vask, reins og del potet, gulrøtter og løk. Gni ut karbonadedeigen sånn at han blir kornete. Legg så poteter, løk, gulrøtter, karbonadedeig og ost lagvis i ei eldfast form saman med salt og krydder. Slå mjølk og fløyte over. Dryss over ertene til slutt. Steik så gratengen i ovnen i ca 45 minuttar, til potetene og gulrøttene er møre. 

Lun pastasalat med karbonadedeig og pesto

Pasta og karbonadedeig i alle former er populær og enkel kvardagsmat. Her får de ein versjon som er rask å laga og enkel å variera ut i frå kva ein har til rådigheit. Denne middagsretten tek under 20 minuttar å laga, og det som tek lengst tid er faktisk å koka pastaen.

3-4 prosjonar:

• 400 g karbonadedeig
• 4 dl pasta
• 1/2 raud paprika, i bitar
• 1 avokado, i bitar
• 1 liten raudlauk, i tynne skiver
• 1 boks salatbønner (Kidneybeans)
• 4-5 ss pesto (grøn eller raud)
• linfrø
• sitronsaft

Kok pastaen etter anvisning på pakken. Skyll med lunka vatn og la den renna godt av. Steik karbonadedeigen. Bland alle ingrediensane i ein bolle. Vend inn pestoen. Strø over linfrø og nokon dropar stitronsaft.

Penne con Ragù

Hadde ingen idè om kva eg skulle laga til middag i dag, så eg byrja sjå gjennom alle dei oppskriftshefta eg har samla for å sjå om eg fant noko eg kunne tenkja meg å laga. I og med at eg allereie hadde teke opp ein karbonadedeig, var eg mest på utkikk etter ei oppskrift der eg kunne bruka denne. I ei av hefta frå Rema 1000 fant eg denne oppskrifta og tenkte at dette kunne vera verdt å prøva. Eg tok i midlertid å gjorde nokon få justeringar frå orginaloppskrifta. Eg bytta ut 500 g kjøttkakedeig med 400 g karbonadedeig, minska mengda pasta frå 500 g til 350 g og hadde i gulrøtter i staden. Som de ser så står det kanel i oppskrifta. Eg var litt skeptisk til akkurat dette, men eg lovar, det smakar ikkje kanelbollar av middagen ;)

Til 4-6 porsjonar treng du:

• 2 laukar
• olivenolja
• 2 boksar hakka tomater
• 2 små laubærblad
• 400 g karbonadedeig
• 350 g frosne erter
• 5 små gulrøtter i bitar (ca 180 g)
• 1-2 ts kanel (evt. muskat)
• 1 ss sukker
• salt og pepar
• 350 g penne
• reven ost

Finhakk den eine lauken og fres i litt olivenolja til den er gylden. Tilsett dei hermetiske tomatene og laubærblada. La sausen småkoka i 15-30 minuttar.

Finhakk den andre lauken og fres den òg i olivenolja. Skru opp varmen og tilsett karbonadedeigen. Steik i 3 minuttar. Tilsett så erter, gulrøtter og kanel.

Bland tomatsausen med den steikte karbonadedeigen. Ta ut laubærblada og la det småkoka i minst 30 minuttar. Smak til med salt, pepar og sukker.

Medan raguen kokar, kokar du penne. La den koka 2 minuttar kortare enn det som står på pakken. Bruk rikeleg med lettsalta vatn. Ta vare på noko av kokevatnet og spe i raguen for å få meir kraft. Bland penne med raguen og la pastaen koka ferdig i sausen før servering. Server med litt reven ost. I oppskrifta stod det parmesan, men her i huset nøyer me oss med vanleg kvitost. Ha gjerne litt salat attåt òg.

Kjøttkaker i brun saus

Planen i dag var eigentleg fiskegrateng frå Findus, men eg fekk plutseleg så lyst på kjøttkaker. Dette er noko eg ellers berre et når eg er hos mormor sidan ingen kjøttkaker nokon sinne har kunna måle seg med hennar. Det kan for så vidt ikkje desse heller, men det var innanfor godkjent i følgje magen min, så då vert det kanskje kjøttkaker litt oftare heretter.

Til ca 10 kjøttkaker treng du:

• 400 g karbonadedeig
• 1,5 ts salt
• ca. 1/4 ts pepar
• 1/4 ts malt muskat (kan sløyfast)
• 1/4 ts malt ingefær (kan sløyfast)
• 2 ss Maizena el. potetmjøl
• 1,5 dl mjølk el. vatn

Bland saltet godt inn i karbonadedeigen. Rør in krydder og potetmjøl og spe med mjølk/vatn, litt om gongen.

From farsen til runde kaker ved hjelp av ei skei, handa og kaldt vatn.

Steik kakene i ei middels varm steikepanna til dei har fått ein fin bruning på kvar side.

Ha kakene i brun saus.

Brun saus (frå Ingrid Espelid Hovig's "Den rutete kokeboken"):

• 4 ss smør
• 6 ss kveitemjøl
• 1 liter buljong
• salt og pepar
• 0,75 dl matfløyte

Brun smør i ein kjele. Ha i mjølet og brun det litt. Rør heile tida. Pass på å ikkje bruna det for mykje, ellers kan sausen få ein brent smak. Ta kjelen av plata og avkjøl bruninga litt.

Spe på med kokande buljong. Ha først i halvparten og rør til ei glatt røra. Tilsett så resten. Sett gryta tilbake på plata. Rør til det kokar opp, og la sausen koka 5-10 minuttar. Smak til med salt, pepar og fløyte. Om du synst sausen vart litt for lys kan du ha i sukkerkulør, men det er ikkje nødvendig for smaken sin skyld. Server med poteter og ertestuing.

Præriepai

I dag er det igjen fri frå jobb og då pleier eg å laga middag som kan ta noko lenger tid enn det eg orkar etter ein dag med jobbing. Dette er ein sånn middag. Og sidan me bur på Prærien synst eg det berre var naturleg å kalla denne paien opp etter det. Den kan minna noko om sheperds pie eller cottage pie, men dei er utan paibotn. Denne er derimot ikkje det. Og som de kan sjå så klarte verken eg eller min kjære å venta så lenge at eg fekk teke bilde av ein heil pai denne gongen heller. Ein lite tips for å bruka minst tid på å laga paien er å lesa gjennom heile oppskrifta då det er ting som kan lagast medan du ventar på noko anna.

Til 4 personar treng du:

Paibotn

• 100 g smør
• 3 dl grovt mjøl
• litt salt
• 4-5 ss kaldt vatn

Potetstappa

• 6-8 medium store poteter
• ca 50 g margarin
• ca 1 dl mjølk, fløyte eller ei blanding av dei to
• Salt og pepar

Kjøttfyll

• 1 lauk
• 2-3 fedd kvitlauk
• 400 g karbonadedeig
• 2 ss mjøl
• ca 2,5 dl vatn
• 1 kjøttbuljongtrening
• 3 ss tomatpuré
• 1 boks (415 g) skiva sjampinjong
• oregano
• salt og pepar

Lag til paideigen først. Del smøret i terningar og ha det i ein bolle. Bland det saman med mjøl, salt og vatn til du har ein smidig deig. Kjevl så ut deigen til den passar til paiforma di. Eg har alltid litt problemar med å få deigen frå benkeplata til forma etter utkjevling, så eg kjevlar til den passar i botn og så trykker eg deigen opp på kantane. Bruk den teknikken som passar deg best. Det er heller ikkje så dumt å smørja forma, noko eg gløymde, men det gjekk fint likavel.

Lag små hol i deigen med ein gaffel el. Sett den så i kjøleskapet og varm opp ovnen til 225°C eller 200°C dersom du brukar paifunksjon. Når steikeovnen er varm nok forsteiker du botnen i 10-12 minuttar.

Medan paien steiker begynnar du å skrella og dela potetene. Kok dei til dei er møre. Tøm av vatnet og ha i smør og mjølk. Mos potetene til potetstappa med potetstappar eller stavmiksar. Smak til med salt og pepar.

Medan potetene kokar hakkar du lauken og kvitlauken. Surr dette i olja til lauken er blitt mjuk. Ha i karbonadedeigen og bland til den er ferdigsteikt. Dryss så over mjøl og bland godt. Ha i vatn, buljongtreningen og tomatpurèen. Bland det saman og ha så i soppen. La det koka til noko av veska har kokt inn. Smak til med oregano, salt og pepar. Ha kjøttfyllet i paibotnen og fordel potetstappa oppå. Steik paien midt i ovnen på anten 225°C eller 200°C alt etter kva funksjon du brukar (sånn som med forsteikinga) i 20 minuttar. Server gjerne med grøn salat og ein klatt rømme :)

Som de ser av bildet så var paien vellukka ;)

TIPS: om du vil ha ein middag som er raskare å laga kan du laga kjøttfyllet og servera den med potetstappa

Kvardagsgryta

Denne veka begynnte eg i ny jobb på Esso. Ein skulle trur at å laga hamburger og vaska diverse hyller og dører ville føra til at eg ikkje hadde noko behov for å verken vaska eller laga mat på fridagen min. Den gong ei! I dag har eg verkeleg teke fram mi indre husmor og vaska vindauger, rydda i alle kleda mine, vaska skitne klede, plukka nokon kilo med rips og laga middag og dessert (eige innlegg seinare i kveld). Middagen i dag blei, som de skjønnar av overskrifta, kvardagsgryta. Dette er ei enkel og grei gryta å laga, sidan den verken tek lang tid eller krev dyre og merkelege råvarer. I tillegg så er den ganske så sunn ;)

3-4 porsjonar:

• 400 g krabonadedeig
• matolja
• 1/2 purre
• 2 fedd kvitlauk
• 5 gulrøtter
• 1 terning grønsaksbuljong
• 2 dl vatn
• 1 boks hermetiske tomater
• salt og pepar

Steik karbonadedeigen på høg varme saman med olja. Kutt purren fint og finhakk kvitlauken. Riv gulrøttene. Ha så alt saman, innkludert tomatene, i gryta. Bland saman buljongtreningen og vatn. Tilsett buljongblandinga i gryta og la det koka nokon minuttar, til du er fornøgd med gryta. Alt frå 5 til 10 minuttar skulle halda. Smak til med salt og pepar.

Server med potetstappa eller poteter. Her i huset falt valget på potetstappa enkelt og greit sidan dette tek mindre tid enn å koka poteter.

Tacoburger

Detta er ein super-enkel burger som ein lagar på null komma svisj, nesten i alle fall. Eg pleier å bruka tacokrydder i mine, men her kan ein jo sjølvsagt bruka kva krydder ein vil og variera tilbehør alt etter kva som passar saman.

Til 1 burger treng du:

• 1/3 karbonadedeig (ca 133 g)
• litt vatn
• litt potetmjøl
• tacokrydder etter smak
• Rundstykke el. hamburgerbrød
• isbergsalat
• tacosaus
• mager kesam
• agurk
• tomat

Eg veit mange brukar egg når dei skal laga hamburger, så er du ein av dei så er det ikkje noko i vegen for å ha det i. Husk då på at det gjerne går 1 egg på 400g karbonadedeig. Eg brukar det ikkje, rett og slett fordi eg synst burgeren held seg godt nok saman utan. Bland karbonadedeig, ein skvett vatn (begynn med litt, og spe heller på), litt potetmjøl og krydder. Ha i potetemjøl/vatn til du synst at burgeren har ein ok konsistens. Lag ei kaka som passar til brødet ditt og steik dette i steikepanna. Varm gjerne brødet (om det er rundstykke, som eg brukar, eller hamburgerbrød) litt i ovnen. Så er det berre til å setja saman herligheita og nyta den. Kan vel nesten ikkje bli enklare enn det?

Tacokjøttbollar med grønsaksmos

Her kjem endå ei oppskrift frå den gamle bloggen min. Slenger ut ein av dei når eg veit det kjem til å bli nokon dagar utan nokon nyutprøvde oppskrifter, og sidan det blir vanleg taco til middag/kvelds her i huset i dag synst eg det passa med ein litt annan variant av denne typiske lørdagsmiddagen. Denne versjonen er lika rask og enkel som orginalen, kanskje til og med raskare sidan ein ikkje treng kutta opp noko.

Porsjonar: 1 

Ingridiensar: 
1/3 karbonadedeig (400g)
1/4 pose tacokrydder 
1 ts matolja til steiking 
1,5 dl vatn 
1 krm salt 
0,5 pose potetmos, vanlig (Mills) 
1 dl melk (ekstralett) eller vatn 
200 g Amerikansk grønnsaksblanding
1 ss salsa 

Instruksjonar: 
1. Bland saman kjøttdeigen og tacokrydderet i ein bolle. Bruk ei spiseskjei og "grav" ut små kjøtbollar. Steik dei i ei steikepanna med matolja til dei er gjennomsteikt. Eller du kan droppa matolja om du har teflonpanna.
2. Kok opp så mykje vatn som det står på potetmosposen, med salt. Hell i grønnsaksblandingen og la det koka opp att. Ta kjelen av komfyren og hell i melk/vatn. Dryss potetmospulveret og la det svella i ca. 5 minutt. Rør det luftig. Serverast med salsa

Her står det for ein person, sidan det var den eg brukte. Skal du laga til fleire så er det sjølvsagt berre til å gonga med så mange som skal ha mat;) Bon Appetite! 

Gassamiddag

Navnet på retten høyrest verkeleg ikkje appetitteleg ut, det skal eg vera eining med, men sjølve middagen er kjempe god. Veit ikkje kvar verken oppskrifta eller navnet på den kjem i frå. Dette er noko som foreldra mine har laga så lenge eg kan huska, så dette er ein smak av barndom for meg. Oppskrifta er utruleg lett og ein treng ikkje mange eller dyre ingrediensar for å laga detta. Er ikkje heilt sikker på kor mange denne rekk til, det kjem jo litt ann på kor svoltne dei som et er, men eg vil trur det held til 5-6 stykken om dei ikkje et som hestar alle saman.

400g kjøttdeig eller karbonadedeig (eg brukar karbonadedeig for å få den litt sunnare)
1 pose tomatsuppa utan makaroni
300-500 g fiskepudding
1 lite eller 1/2 stort kålhovud
5-7 gulrøtter
1 boks hakka tomater (ca 400 g)
1 potet pr person (eller meir om nokon er ekstra glade i potetet)

Aller først er det lurt å setja på potetene, sidan desse brukar litt tid på å bli ferdige. Sett òg på kokevatn til kålen og gulrøttene. Tilbered tomatsuppa som det står på pakken, men bruk halvparten av vatnet som står på pakken. Dette fordi tomatene tilfører ein del væska. Ha tomatene oppi saman med suppa med ein gong og la det koka til ferdig.
Medan dette står å kokar opp skjær ein opp kål, gulrøtter og fiskepudding. Når vatnet byrjar å koka, har ein kål og gulrøtter oppi. Desse må ikkje koka meir enn 15 min, 10 held som regel. Brun så krabonadedeigen i steikepanna. Fiskepuddingen treng du ikkje gjera noko meir med. Når alt er ferdig kokt og steikt har ein alt (kål, gulrøtter, karbonadedeig og fiskepudding) oppi tomatsuppa. La det stå å småputra til du er fornøgd med tjukkelsen på tomatsuppa. Knepp så potetene på middagstalerkenen og bland saman med Gassamiddagen. Eit tips er å la den vera litt tynn om ein skal varma det opp att seinare, for då tjukknar nemleg suppa. Evt kan ein ha i litt vatn når ein varma opp att, sånn at det i det heile er noko suppe att. Håpar det smakar!