Chili Con Carne

Har laga denne nokre gongar no, og dette er verkeleg ein rett som varmar på kalde dagar. Anbefalast verkeleg, sjølv om det tek litt tid å laga. Eg gløymer stort sett frå gong til gong kor lenge retten eigentleg skal stå å småputra, så eg har aldri latt den stå 1 time for å godgjera seg. Den blir god med berre 30 minuttar òg, men her ser ein kor mykje tid ein har (eller orkar å bruka).

4-6 porsjonar:

• Rapsolja
• 2 løk, oppkutta
• 3 fedd kvitløk
• 400 g karbonadedeig
• 1 boks (ca 400 g) hakka tomater
• ca 75 g tomatpurè*
• 1 ts malt spisskummen
• 1 ss chilipulver
• 1 ss paprikapulver
• 1 ts oregano
• 1 laubærblad
• 3.5 dl buljong (kjøtt-, kylling- eller grønsaksbuljong)
• 1 boks (ca 400 g) kidneybønner
• salt

*har du ikkje tomatpurè går det fint å bruka tilsvarande mende ketchup

Steik løk og kvitløk i 5 minuttar, til løken har blitt mjuk og gylden. Rør om av og til. Tilsett karbonadedeigen og steik til den har skifta farge og begynnar å bli brun.

Rør i tomater, tomatpurè, spisskummen, chilipulver, paprikapulver, oregano, laubærblad og buljong. Smak til med salt og kok opp. Demp så varmen, legg lokk på og la det stå å småputra jo lengre jo bedre, inntil 1 time. Rør om av og til.

Smak om det er passeleg med krydder. Tilset kidneybønner, legg på lokket igjen og la det fortsetta å småputra i 20-30 minuttar (om du har tid). Hvis ikkje held det og med 10 minuttar. Ta ut laubærbladet og kast det. Server med kokt ris, grøn salat og rømme.

Josefines gulrotscones

Denne oppskrifta er henta frå dataspelet "Josefine på skolen". Eg huskar dette frå då eg var liten, og i ein periode vart desse laga ein god del. Ein seier gjerne at ein kopp er ca 2 dl, men det viktigaste er at ei brukar same koppen til å måla ingrediensane med slik at mengdeforholdet blir riktig. Om ein brukar ein mykje større eller mindre kopp kan det veraa at ein må justera for mengda smør og gulrot einaste. I originaloppskrifta er det òg ein kopp med reven ost, men eg hadde i ei ekstra gulrot i staden.

Til 16 scones treng du:

• 5 koppar mjøl*
• 1 ts salt
• 4 ts bakepulver
• 100 g mjukt smør/margarin
• 3-4 gulrøtter, revne
• 2 koppar skumma kulturmjølk

*Når det kjem til sortar mjøl brukar eg litt forskjellig frå gong til gong, alt etter kva eg har i skapet g kva eg har lyst å bruka. Dette er f.eks, ei perfekt oppskrift til å bruka opp små restar av forskjellige mjølsortar. Denne gongen blei det 3 koppar kveitemjøl + 2 koppar sammalt rug. 

Forvarm steikeovnen til 230°C. Bland mjøl, salt og bakepulver i ein bolle. Ha så i smøret og bland det med fingarne til det er løyst opp i mjølet. Ha så i gulrøttene (og ost hvis du brukar det). Bland til gulrøttene er dekt med mjøl. Ha så i skumma kulturmjølk og bland godt. Om deigen blir for tør når alt er godt blanda saman har du i litt meir skumma kulturmjølk, om den blir for klissete har du i litt meir mjøl.

Del deigen i fira og klapp kvar del ut til ei flat rund kaka, omtrent på størrelsen med ei lompa. Skjær kvar kaka i fira. Strø på solsikkefrø og linfrø (eller det du har i kjøkkenskapet). Trykk frøa litt ned i sconsen.

Steik sconsen midt i ovnen i 15 - 20 minuttar.

Pasta med spekeskinka og fetaost

Dagens middag er rask og enkel å laga, og veldig, veldig god!

Oppskrifta held til 1 stor porsjon eller 2 små og tek ca 20 minuttar å laga. Det du treng er:

• 100-150 g penne fullkorn, ukokt
• 75g fetaost
• 1 ss olivenolja
• 1-2 ss sitronsaft
• salt
• pepar
• 6-8 skiver spekeskinka i strimler
• 0,5 dl oliven, delt i to eller tre
• 8 cherrytomater, delt i fira
• ruccola
• pinjekjerner

Kok pastaen som anvist på pakken. Rist pinjekjerner raskt i ei tørr steikepanna. Sil av vatnet frå pastane, og smuldre over fetaosten. Ha over olivenolja og sitronsaft. Smak til med salt og pepar. Vend så alt saman samen. Topp pastaen med spekeskinka, oliven, cherrytomat, pinjekjernar, ruccola og litt meir fetaost. Velbekomme!

Kjelde: Matsans

Pizzasnurrar med tacosmak

Dei seier at utsjånaden skjemmer ingen. Desse pizzasnurrane vinn så absolutt ikkje nokon skjønheitskonurranse, men det dei ikkje har av utsjånad tek dei igjen på smak. Dei er sjølvsagt aller, aller best når dei er ferske ut av steikeovnen, men dei er veldig gode om ein frys dei og tinar dei i steikeovnen òg. Dei er òg kjempe fine å ha med til lunsj.

Til ca 20 pizzasnurrar treng du:

Fyll:

• 400 g karbonadedeig
• matolja
• 1 hakka løk
• 2 fedd finhakka kvitløk
• 1 boks hakka tomater (ca 400 g)
• 2 ss tomatpurè
• pepper
• salt
• oregano eller basilikum
• ca 1 dl vatn
• 5 dl reven ost
• 1 pose tacokrydder

Pizzadeig:

• 1/2 pakke fersk eller tørr gjær (eg brukte tørr)
• 3 dl lunka vatn
• 2 ss olja
• ca 7 dl mjøl (eg brukte ei blanding mellom sikta kveitemjøl, grovt kveitemjøl og grovt rugmjøl)
• salt

Om du brukar fersk gjær:

Rør gjæren ut i vatn og tilsett olja, mjøl og salt.

Om du brukar tørr gjær:

Bland gjær og mjøl. Tilsett vatn, olja og salt

Elt deigen godt saman og la den heva til dobbel størrelse.

Forvarm steikeovnen til 225°C

Lag kjøttsaus:

Brun kjøttdeigen i olja på strek varme. Tilsett løk, kvitløk, tomater, tomatpurè, salt, pepper, vatn og tacokrydder. La sausen småkoka i ca. 10 minuttar til den blir ekstra tjukk. Dryss over oregano/basilikum.

Kjelv deigen til ein avlang firkant (ca 30x50 cm). Smør kjøttsausen utover og rull saman sånn at deigen blir ei pølsa (nett som med kanelbollar). Skjær den i stykker på ca 1,5 cm tjukke skjever og legg dei på ei bakepapirkledd steikebrett. Dryss på ost og ekstra fyll som paprika eller sopp hvis du vil ha det.

Etterhev pizzasnurrane i ca. 10 minuttar. Steik midt i steikeovnen i ca 15 minuttar

Gulrotkaka i langpanna

Mange gulrotakaker har ein tendens til å bli kompakte og tunge synst eg. Denne kaka derimot er luftig, lett og saftig med ein super godt ostekrem på toppen. Det er likar med gulrotkaker er at ein kan lata som at ein er sunn når ein et den, sidan det er gulrot i den.

Til stor langpanna (ca 30x40 cm):

• 750 g raspa gulrot
• 4.5 dl matolja (raps eller solsikke)
• 6 dl sukker
• 6 egg
• 7.5 dl kveitemjøl
• 3 ts natron
• 3 ts bakepulver
• 3 ts kanel
• 1 krm salt

Rasp gulrøtter og ha dei i ein bolle saman med matolja. Pisk egg og sukker til ein tjukk og luftig eggedosis. Sikt saman mjøl, natron, bakepulver, kanel og salt. Bland i til ein jamn deig. Ha i gulrøttene og bland alt saman godt, slik at det er gulrøtter i heile deigen. 

Ha så deigen i ei bakepapirkledd langpanna. Steik kaka midt i ovnen ppå 175°C i ca 40 minuttar. Avkjøl kaka i forma. 

Glasur:

• 250 g smør
• 400 g kremost
• 500 g melis
• 3 ts vaniljesukker

Rør saman smør og 1/4 av melisen til smørkrem. Tilsett kremost, vaniljesukker og resten av melisen og pisk alt til ein jamn ostekrem. Ha kremosten på kaka når den er heilt avkjølt.

Om du ikkje et opp all gulrotkaka kan den godt frysast med ostekrem på :)

♥♥♥ Valentinskake ♥♥♥

Dette er ei mektig kaka med god sjokoladesmak og ein fyldig mascarponekrem i midten. Kaka er steikt i ei 20 cm form, i to omgongar, då eg kun har ei sånn form. Eg valde å laga to mindre kaker av røra. Ein kan sjølvsagt laga ei høg og fin kaka av den, men den kan fort bli litt i overkant då den vart ganske så mektig sånn som eg laga den. Ein kan òg ha heile røra i ei større form. Då må ein rekna noko lengre steiketid.

2 små kaker eller 1 stor:
Sjokoladebotn:

• 220 g kveitemjøl
• 300 g sukker
• 2 ss kakao
• 1.5 ts natron
• 2 egg
• 1 dl sterk kaffi
• 12 g smør
• 10 g sjokolade
• 3.5 dl kulturmjølk

Bland alt det tørra. Smelt smør i ein kjele, tilsett sjokoladen og rør til all sjokoladen er smelta og godt blanda med smøret. Tilsett kaffi, kulturmjølk og samanvispa egg i det tørra. Rør godt. Tilsett sjokoladesmøret og bland godt. Røra vil vera veldig flytande, men det er sånn den skal vera. Ha røra i smurt rundform og steik midt i oven på 180°C i 45 minuttar.

Mascarponekrem:

• 1 ts vaniljesukker
• 1 ss melis
• 250 g mascarponekrem
• 2 dl kremfløyte
• evt. raud icingfarge eller konditorfarge

Bland alle ingrediensane og pisk saman for hand. Sidan det er mykje feitt både i mascarponekremen og kremfløyten er det lett for at kreme skil seg. Derfor må ein piska for hand sånn at ein ser når kremen blir stiv.

Del kakebotnane i to har bre over mascarponekremen. Sett botnane kaldt medan du lagar sjokoladeganachen.

Sjokoladeganache:

• 250 g smør
• 400 g sjokolade (ikkje 70%)
• 1.5 dl kremfløyte

Smelt smør og sjokolade saman i vassbad (eller mikro om du har det). Pass på så det ikkje brenn seg og rør jamnleg. I ein kjele varmar du opp fløyten til kokepunktet. Rør så fløyten inn i sjokoladesmøret med ei tresleiv. Rør til alt er godt blanda saman. Sjokoladeganachen vil til å begynna med vera veldig flytande, men den vil stivna meir og meir etterkvart som den kjølnar til romtemperatur.

Når sjokoladeganachen har fått den konsistensen du ynskjer har du den på kaka. Om du velå steja kaka tilbake i kjøleskap må du hugsa på å ha den ut attt ei lita stund før du skal servera, sånn at ganachen ikkje er knall hard.

Makaronigrateng

Eg er ein stor fan av gratengar sidan dette ofta betyr at ein slepp å laga til middag dagen etterpå. Denne oppskrifta er lånt frå boka "1 kjøttdeig, 100 retter", men endra litt på den då eg bytta ut mais med sopp, dijonsennep med vanleg senep og vellagra ost med norvegia + parmesan. Og det vart veldig godt!

6 porsjonar:

•  1 løk, hakka
• 2 fedd kvitløk, finhakka
• 400 g karbonadedeig
• 1 liten boks sjampinjong 
• 1 boks hermetisk tomat, ca 400 g
• 1 ts tørka urter, valgfritt
• ca. 4 dl makaroni
• 2 ss smør
• 3 ss kveitemjøl
• 5 dl mjølk
• 2 ts sennep
• 250 g reven ost
• salt og pepar

Forvarm steikeovnen til 200°C. Steik løk og kvitløk til den er mjuk og blank, Ha i karbonadedeigen til og steik til den begynnar å bli brun. Rør inn sopp, hermetiske tomater og urter, og mska til med salt og pepar. Skru ned varmen, Legg lokk på og la sausen stå og småkoka i 25-30 minuttar. Rør om av og til.
Kok makaronien etter anvisning på pakken. Smelt i mellomtida smør i ei lita panna Dryss på mjøl og fres under omrøring i ca 2 minuttar. Ta kjelen av plata og visp inn litt og litt mjølk om gongen. Sett panna tilbake på plata og kok opp medan du rører heile tida. Skru ned varmen og lat det småkoka under omrøring i 5  minuttar til den er tjuk og glatt. Ta panna av plata og rør inn sennep og 150 g av osten. Rørtil osten har smelta heilt. Sil av makaronien og bland den godt i ostesausen.
Smør ei eldfast form og ha kjøttsausen i. Legg ostesausen jamt over. Dryss resten av osten på toppen og steik under grill i 4-5 minuttar til toppen er gyllen og osten har smelta. Server gjerne med grøn salat og godt brød.

Pana cottta med vaniljekesam og smoothiegele

Dette er det eg vil kalla sunn dessert, og den passar godt for dei som likar noko søtt utan at det blir for mektig. Denne passar òg godt for den av dykk som framleis held ved nyttårsforsette om å vera litt sunnare. Denne oppskrifta har eg frå Det søte liv, men eg halverte den då me berre er to her i heimen ;)

2 porsjonar:

Pana cotta med vaniljekesam:

• 3 dl vaniljekesam (gjerne lettvarianten)
• 0.5 dl matfløyte
• 0.5 vaniljestang (kan sløyfast)
• 3 plater gelantin
• 2 ss melis

Smoothiegele:

• 2.5 dl Bama smoothie eller heimalaga (valgfri smak)
• 2 plater gelantin

Start med å laga pannacottaen. Legg gelantinplatene i kaldt vatn i 5 minuttar. Ha matfløyten i ein kjele. Vel du å ha i vaniljestanga deler du den og har frøa og stanga i saman med fløyten. Gi det heile eit raskt oppkok og sil av vaniljestanga.

Klem alt vatne ut av gelantinplatene og ha dei i fløyten. Rør godt til platene er heilt oppløyst i fløyten. Avkjøl blandinga til den er lunka.

I mellomtida rører du vaniljekesamen jamn med ein visp. Tilsett så den lunka fløyteblandinga i ein liten ståle medan du rører blandinga jamn, Ha i melisen og rør vidare til denne er godt blanda i. Fordel i 2 dessertskåler og sett kjøling nokon timar til pana cottaen har stivna.

Når panacottaen er stiva laga du til smoothiegeleen. Legg gelantinplatene i kaldt vatn i ca 5 minuttar. Varm smoothien forsiktig opp, men pass på så den ikkje kokar for då kan den lett skilja seg. Ta kjelen av plata. Klem vatnet ut av gelantinplatene og ha den i smoothien. Rør til gelantinplaten har løyst seg heilt opp. Lat så smoothien kjøla seg ned til den er lunka (fingervarm), men forsatt flytande. 

Hell smoothien over panna cottaen og sett skålene tilbake i kjøleskapet nokon timat til smoothiegeleen har stivna. 

Brødpudding med sjokolade

Dette er ein heilt fantastisk måte å bruka opp gammal loff. Servert lunka med vaniljeis til kan ein nesten ikkje tru at desserten er laga av tørt brød. Heilt fantastisk!

• 1 l loff  i terningar(ca 1/2 loff)
• 100-200 g kokesjokolade
• 5 dl H-mjølk
• 3 egg
• 1 eggeplomma
• 1 dl sukker
• kanel

Smør ei brødform som rommar 1.5 l og ha eit stykke bakepapir i botnen. Dette klarte eg å gløyma, men det gjekk fint sidan mi brødform er non-stick, heldigvis! 

Hakk sjokoladen i små bitar. Mengda av sjokolade bestemm du sjølv etter kor glad du er i sjokolade. Eg er veldig glad i sjokolade så eg brukte 200g.

 Legg loff og sjokolade lagvis i brødforma. Pisk så saman mjølk, egg, eggeplomma og sukker. Hell blandinga over loffen. La det heila stå å trekka i ca 30 minuttar. Væska vil då ha trukke ein del inn i loffen, men det skal forsatt vera litt av eggeblandinga igjen i forma. Om den verka litt tørr helller du over litt meir mjølk. Dryss over litt kanel til slutt.

Steik midt i ovnen ved 175°C i 45 minuttar. Server gjerne med vaniljeis eller vaniljesaus.

Snøtoppar

Av og til når eg skal dyppa ting i smelta sjokolade får eg noko sjokolade til overs. Kva skal ein så gjera med den? Ein kan jo sjølvsagt eta den eller berre kasta den, men kvifor ikkje laga ein liten godtbit av denne resten? I går då eg laga pistasjmarsipan fekkk eg litt smelta sjokolade til overs, og då laga eg desse.

• Smelta sjokolade
• havregryn
• melis

Ha havregryn i den smelta sjokoladen til all sjokoladen er brukt. Ha blandinga over på bakepapir med ei skei og lag små toppar. Dryss over melis. Sett kaldt for at dei skal stivna. Nam nam!

Pistasjmarsipan

Marsipan høyrer jula til, men visste de at det går ann å laga marsipan av andre nøtter enn mandlar? Eg har brukt salte pistasjnøtter, så marsipanen blir både søt og salt samtidig. Kjempe godt! I den smelta sjokoladen har eg tilsatt ei lita spiseskei med kokosolja, for at den skal halda seg fin og glatt til eg er ferdig med å dyppa alle marsipankulene. Om du ikkje har kokosolja er det ikkje så farlig, det blir lika godt utan ;)

Til ca 35 kuler treng du:

• 140 g salte pistasjnøtter
• 150 g melis
• 1 eggekvite
• 150 g mørk kokesjokolade (Dronningsjokolade)
• 0.5 ss kokosolja

Ha pistasjnøttene ein ein hurtigmiksar og kjør til dei er malte. Du vel sjølv om du vil mala dei grovt eller fint, alt etter kor grov du vil ha marsipanen. Bland nøttene med melis, og ha i eggekviten. Kna alt saman til ein klump med marsipan. Oppbevar marsipanen kjøleg og i ein plastpose til du skal trilla ut til kulen så den ikkje tørkar ut.

Rull marsipanen ut til kuler og legg dei på bakepair. Smelt sjokoladen og kokosolja over vassbad. Pass på at det ikkje kjem noko vatn i den smelte sjokoladen, då detta vil gjera den kornete. 

Dypp marsipankulene i den smelta sjokoladen og legg dei på bakepapiret. Sett kaldt for at dei skal stivna. 

Sjokoladepepperkaker

Desse laga eg for første gong for mange år sidan. Dette er pepperkaker etter min smak: med sjokolade. Oppskrifta er lånt frå Mat på bordet, men eg har endra litt på den.

ca. 30 peppekaker:

• 200 g kokesjokolade, hakka
• 275 g kveitemjøl
• 1.25 ts ingefær
• 1 ts kanel
• 0.25 ts nellik
• 0.25 ts muskat
• 2 ts bakepulver
• 1 ss kakao
• 200 g brunt sukker
• 0.5 beger (250 g) lys sirup 

Bland saman alle dei tørre ingrediensane: mjøl, ingefær, kanel, nellik, muskat, bakepuulver og kakao. Visp saman smør og brunt sukker til alt er blanda. Tilset sirup og miks det godt saman.

Sikt i dei tørre ingrediensane og bland godt. Ha så i den hakka sjokoladen og kna den inn med hendene. 

Ha deigen ut på plastfolie og trykk den ut til ei plata som er 2-3 cm tjukk. Pakk plastfolien godt rundt og legg til kjøling eit par timar, gjerne over natta.

Når deigen har avkjølt seg nok trillar du den ut til kulen på 2-3 cm i diameter. Sett desse på ei bakepapirkledt steikeplata med 5 cm avstand mellom dei. Kjøl i 10 min. Varm ovnen til 170°C. Steik så pepperkanene midt i ovnen til overflata sprekk noko, ca 10-14 minuttar. Avkjøl i ca.. 5 minuttar på steikebrettet før du har dei over til vidare avkjøling på rist. Oppbevar tørt og i ein tett kakeboks. 

Tacosuppa

Her i hus er me veldig glade i taco i alle variantar, både vanleg, som pai, som pizza og som suppa, som de ser her. Denne suppa er veldig enkel å laga til mange, smakar kjempe godt av taco og metta veldig. I tilleg kan ein ha så mykkje ost, chips og rømme på ein berre orkare. Perfekt helgekos!

Tok bilde med mobilen, så det vart ikkje så bra :(

3-4 porsjonar:

• 400 g karbonadedeig
• 1 lauk
• 2 fedd kvitlauk
• 1/2 chili
• 2 boksar hakka tomat
• 3 ss tomatpure
• 3 ss tacosaus medium
• 1 pose tacokrydder
• 6 dl grønsaksbuljong (1 terning + 6 dl vatn)
• 1 boks kidneybønner og/eller 1 liten boks mais
• tortillachips med ostesmak
• reven kvitost
• rømme

Fres finhakka lauk, kvitlauk og chili (fjerna frøa) saman med karbonadedeigen. Bland alt, utanom bønner/mais i gryta og la det småkoka i 30 minuttar. Bønner/mais har du i dei siste 5 minuttane av koketida. Server med reven kvitost, tortillachips og rømme.

Honningkaramellar

Dette er heilt nydelege fløytekaramellar med eit hint av honningsmak. Eg føler at på grunn av honningen er desse karamellane litt sunnare enn andre, noko som berre er tull sjølvsagt, men det er lov å lura seg sjølv litt ;)

• 5 dl kremfløyte
• 1 dl honnig
• 4 dl sukker
• 1 ss smør

Ha fløyte, honning og sukker i ein kjele. Kok på middels varme til røra blir tjukk og karamellaktig. Temperaturen skal vera 118°C, så om du har eit steiketermometer eller liknande kan du godt bruka det. Det kan ta 30-45 minuttar. For å sjekka om karamellane er ferdige kan du ta karamelltesten. Detta gjer du ved å dryppa litt karamellmasse i kaldt vatn. Om den klumpar seg og du kan ta den opp å rulla den til ein ball har den kokt lenge nok. 

Rør i smør. Når detta har smelat heller i karamellmassen i ei lita form (ca 20x20 cm). Om du ikkje har ei form, går det ann å hella massen utover ei bakepapirkledt steikeplata. 

Avkjøl til karamellen har stivna, men forsatt er mjuk nok til å delast opp. 

Vårrullar

Sist veka hadde eg og fira andre veninnekveld der me laga vårrullar. Nokon hadde gjort det ein gong før, og nokon hadde aldri gjort det før (meg inkludert). Resultatet blei dei beste vårrullane eg har smakt, og sannsynlegvis dei sunnaste sidan me valde å steika dei i ovnen i staden for å fritysteika dei.

Vart ikkje så bra bilde då eg brukte mobilkamera i dårleg lys

Til ca 40 vårrullar treng du:

• 40 vårrullflak (me brukte spring roll pastry frå ein innvandrarbutikk, sjå bilde nederst)
• 2 pk kjøttdeig av svin
• 3 gulrøtter
• 2 lauk
• 1 chili
• 4 fedd kvitlauk
• 1 pk glasnudlar (kjøp i innvandrarbutikk)
• 1 lite kålhovud
• 2 pk Oyster & Spring Onion wok sauce frå Blue Dragon
• soyasaus etter smak
• pepar
• 1 egg, piska (til liming)
• Rasp- eller solsikkeolja

Finhakk lauk og kvitlauk. Skjær gulrøttene i tynne små stenger eller rasp dei om du heller vil det. Hakk chilien i små bitar. Pass på at du fjernar alle frøa. Rasp kålhovudet. Fres lauk og kvitlauk i ei panna. Tilsett hovudkål, og steik til den er mjuk. Tilsett gulrøtter, chili og woksaus. Bland alt godt og smak til med soyasaus og pepar. Steik kjøttdeigen i eiga steike panna. Bland så kjøttdeigen og grønsaksblandinga. Medan denne avkjølar noko lagar du til glasnudlane. Kok opp vatn. Når det kokar tek du panna av plata og legg glasnudlane oppi. Dei skal ikkje koka, berre trekka. Dei er ferdige når dei er mjuke og gjennomsiktige, tek ca 5. minuttar. Del glasnudane i små bitar og bland dei med resten av fyllet. Varm steikeovnen til 225°C. Legg eit vårrullflak på kjøkkenbenken og legg 1.2 ss av fyllet nestenpå midten av flaket. 

Bilde lånt frå Enestående mat

Rull så vårrullen halvegs saman (bilde nr 2) og ha så litt egg på hjørna for å lima den saman. Forsett så å rulla den som på bildet. Legg vårrullane på ei bakepapirkledd steikeplata. Pensla dei med matolja og steik dei midt i ovnen i 15-20 minuttar. Server med Sweet chili sauce og soysaus.

Vårrullflak

Tunfiskpita

Dette er noko eg åt mykje til kvelds då eg var student i Bergen. Tunfiskpita er veldig enkelt og tek så lang tid å laga som den tida det tek å varma pitabrødet. Dessutan er det sunt og godt. Eg brukar helst grovt pitabrød om eg får tak i det.
Denne oppskrifta kan lett varierast ved å bruka forskjellige typar grønsaker og krydder, men eg likar denne versjonen best.

1 stor eller 2 små porsjonar:

• 1-2 pitabrød
• 1/3 beger Cottage cheese
• 80 g (2-3 ss) tunfisk i vatn
• ca 3 cm agurk
• salt
• pepar
• timian eller basilikum (helst fersk, men tørka går òg fint)

Varm pitabrødet etter anvisning på pakken. Hakk agurken i fine bitar. Bland cottage cheese, tunfisk, agurk, salt, pepar og krydder i ein bolle. Når pitabrødet er ferdig har du fyllet i. Så er det berre til å nyta ein betre lunsj eller kvelds.

Fårikål

No kan ein verkeleg sei at hausten er her, og kva er vel meir haust enn fårikål? Fårikål er ein enkel rett med kun fem ingrediensar: fårekjøtt, kål, salt, pepar og poteter. Enn så enkel denne retter er, er den til dags dato noko av det skumlaste eg har laga. Dette er ein rett som mange har eit forhold til og eg blei rett og slett litt nervøs for å gjera feil.
Så då vart det sjekka både to og tre sider på nett, samt ei kokebok og to. Det stod stort sett det overalt, men på den einesida hadde ein kokk sitt eit godt tip til betre smak: Gi fårikålkjøttet eit raskt oppkok (utan kål), ha deretter av alt vatnet og skyll og vaske det godt i lunka vatn. Dette skal ein gjera for å bli kvitt beinsplintrar og eggekvitestoff/blod frå  kjøttet. Etter dette gjer ein som vanleg.
Heldigvis var mi bekymring for at detta ikkje skulle bli vellykka heilt unødvendig, fårikålen smakte heilt nydeleg :)

Til 2-3 porsjonar treng du:

• 1 kg fårikålkjøtt
• 1 kg hovudkål
• salt pepar
• 3 dl vatn
• 3-4 poteter

Del kålen i båtar. Legg kjøtt og kål lagvis i panna. Kjøttet skal liggja nederst med feittsida ned. Strø salt og pepar mellom laga. Du kan òg ha i heile peparkorn, men då må du ha noko å ha ein peparbehaldar å ha desse i. Hell på vatn. Kok opp og la fårikålen trekkja på svak varme til kjøttet slepper beinet. Dette tek ca 2 timar. Kok poteter og servert alt rykande varmt.

Peanut Butter-Chocolate Chip Bars

Denne oppskrifta har eg frå "Betty Crocker's baking classics" frå 1979 som eg kjøpte på Fretex for mange år sidan. I denne boka er det mange fristelsar, men dette er den første opppskrifta frå denne boka eg prøver, sidan ein må ta seg tid til å omgjera frå imperialt system til metrisk. Ut i frå resultatet ser det ut som eg må prøva meg på fleire av oppskriftene, for denne var avhengighetsdannande, rett og slett. Det er nesten ingenting som slå kombinasjonen av sjokolade og peanøtter.

Til ei lita langpanna/firkanta form (ca 33x23 cm) treng du:

• 1.2 dl sukker
• 0.8 dl brunt sukker
• 60 g smør, romtemperert
• 0.8 dl peanøttsmør
• 1 ts vaniljesukker
• 1 egg
• 2 ss vatn
• 3 dl kveitemjøl
• 0.5 ts natron
• 0.5 ts salt
• 1.5 dl peanøtter
• 200 g sjokolade

Forvarm ovnen til 190°C. Smør forma. Bland sukker, brunt sukker, smør, peanøttsmør og vaniljesukker. Mix inn egg og vatn. Bland mjøl, natron og salt. Sikt dette i røra og bland godt. Hakk peanøtter og sjokolade i passande bitar og bland desse i røra. Steik midt i ovnen i 22 til 25 minuttar, til gyldenbrun. Lat kjøla i forma før du deler opp i bitar.

Eplekaka med vaniljekrem

Eplekaka er obligatorisk no når hausten og dei norske epla er komne. Om du skal laga kaka til mange, er langpanna heilt supert. Denne kaka er søt og god, men kesamen i vaniljeblandinga gjer den litt friskare, utan at det går ut over den tradisjonelle eplekakesmaken.
Kaka var eit lite eksperiment, så i oppskrifta nedanfor har eg skreve korleis eg vil laga den neste gong. Einaste forskjellen er at eplebåtane blir rulla i kanel og sukker før vaniljeblandinga kjem på, det gjor ikkje eg då eg laga akkurat den som er på bildet.

Til ei stor langpanna treng du:

• 500 g smør, romtemperert
• 500 g sukker (eg brukte 400 g kvitt + 100 g brunt)
• 8 egg
• 3 ts bakepulver
• 3 ts vaniljesukker
• 500 g kveitemjøl
• 6-8 epler
• 5 dl Piano vaniljekrem
• 1 dl vaniljekesam
• sukker
• kanel

Forvarm ovnen til 200°C. Pisk saman smør og sukker. Pisk så inn egga, eitt og eitt av gongen. Sikt bakepulver, vaniljesukker og mjøl og bland det inn i smørblandinga. Ikkje bland meir enn nødvendig for å få alt godt blanda. Fordel deigen jamt utover ei bakepapirkledt langpanna. 

Bland kanel og sukker, mengd etter smak. Skrell epla, del dei i båtar og vend dei i sukker- og kanelblandinga. Legg så epleskivene i eit fint mønster oppå deigen. Bland saman vaniljekrem og vaniljekesam, og ha det over epla i små klattar. Om du vil kan du smøra blandinga utover sånn at den blir jamt fordelt, men det er ikkje nødvendig. Strø over litt meir kanel og sukker (men ikkje mykje).
Steik kaka midt i ovnen i 40-50 minuttar. Sjekk med kakenål at kaka er gjennomsteikt. La kaka avkjøla i forma. Server med vaniljeis og nyyyyt!

Krema gryta med pasta og bønner

Denne gryta laga eg sist helg då kjærasten var til Dyrsku ein tur. Han er ikkje så begeistra for bønner, så må ein nytta på å laga middag med det i når han ikkje er heima. gryta er krema, men og litt spicy på grunn av curry pasten eg hadde i. Om du ikkje har det går det fint ann å bruka chili eller chilipulver. Då må ein nok ha i litt meir enn det eg har gjort her. Om du ikkje vil ha den spicy kan du utelata det heilt. Som de ser er denne heilt utan kjøtt, og med bønner i saknar ein det i grunn ikkje heller, sjølv om nokon vil vera ueineg i det :P

3-4 porsjonar:

• 1 boks kidneybønner (ca 400 g)
• 4 ss rapsolja
• 2 store lauk, finhakka
• 3 fedd kvitlauk, finhakka
• 1 boks hakka tomat
• 2 ts oregano
• 1 ts tomatpure
• 0.5 ts red curry paste (kan sløyfast)
• 8 dl vatn
• 100 g makaroni
• 100 g soltørka tomat i olja, oppdelt
• 5-6 cherrytomater (kan sløyfast)
• 4 ss lettrømme
• salt og pepar

Varm olja i ei gryta på middels varme. Surr lauk og kvitlauk nokre minuttar til lauken er blitt blank og mjuk. Rør inn tomaert, oregano, tomatpure og red curry paste. Tilsett vatn og kok opp. Skyll bønnene og ha dei i gryta. Så har du i makaroni og dei soltørka tomatene. Kok på middels varme til makaronien er ferdig. Ha så i lettrømme og rør god sånn alt blandar seg. Kok 1 minutt til og så er middagen ferdig