Kandiserte appelsinskal med sjokolade

Kvifor ikkje bruka alle delar av appelsina? Kandiserte appelsinskal med sjokolade er ein god kombinasjon av søtt og syrlig. Og perfekt for dei som elskar kombinasjonen appelsin og sjokolade, sånn som meg. Dei kan etast som dei er eller brukast som pynt på kaker og muffins. Dei må lagast seinast 1-2 dagar i forvegen sidan dei skal tørka over natta før du trekk dei med sjokolade, og så må sjokolade få lov til å stivna. Oppbevar i luftett glas.

• skalet av 3 appelsiner
• vatn
• 200-250 g sukker
• 200 g sjokolade

Del appelsinene i 4 og ta skalet av. Kok skalet i reint vatn. Skrap det kvita av skalet, prøv å få med så mykje som mogeleg. Ha på nytt vatn og kok opp ein gong til. Det kvita skal no ha blitt mjukt. Fjern det med skei eller kniv. Den teknikken som fungerte for meg var å ta det meste med ei skei og så ta det skeia ikkje fekk med ein skarp kniv. Skjær skalet i tynne strimlar og ha dei i ein kjele. Ha på vatn sånn at det nett dekkjer strimlane. La det koka opp og ha så i sukker. Mende vatn kjem ann på kor mykje du treng for å dekkja strimlane, og her føl du prinsippet "Mei vatn, meir sukker", enkelt og greitt. La det koka til vatnet har fordampa. Mitt brukte ca 45 minuttar. For at det ikkje skal svi seg er det lurt å røra heile tida på slutten. Ha det så over på bakepapir. Prøv å skilja strimlane så fort som mogeleg. La det tørka over natta. 

Smelt sjokoladen i vassbad og dekk alle strimlane med sjokolade. Om du vil at sjokolade skal stivna fort, ha strimlane i kjøleskap eller frys. 

Mandelkonfekt

Mandelkonfekt er super enkelt og raskt å laga, og så smakar det veldig godt. Forrige veka prøvde eg meg på brente mandlar, men fekk det ikkje heil til då dei ikkje blei sikkeleg brente, så det blei heller kandisertemandlar. Desse brukte eg her. Du kan sjølvsagt bruka vanlege mandlar, eller ein annan type nøtt for den slags skyld, men sidan det er jul passar brente mandlar utruleg godt. Som med pikekyss med bringebærsmak, er dette noko som ein kan ha i bakhand om ein plutseleg får bruk for ei ekstra julegåve.

Du treng:

• brente mandlar
• mørk + lys kokesjokolade
• silikonformer

Mengda av mandlar og sjokolade kjem ann på kor mykje du vil laga. Eg bruke 100 g mørk kokesjokolade og 100 g lys kokesjokolade blanda saman. Hakk opp mandlane og ha dei i silikonformene. Smelt sjokoladen over vassbad. Pass på at det ikkje kjem noko vatn i sjokoladen. Ha så sjokoladen over mandlane i formene og lat dei stå i kjøleskap til det har stivna.

Eg brukte desse formene kjøpt på Europris for ein slikk og inegnting

Pikekyss med bringebærsmak

Pikekyss er små og luftige toppa med marengs. Desse kan er utruleg fine helt for seg sjølv, men kan òg serverast inntil is eller som pynt på kaker. Her er det berre til å leika seg med både smak og fargar. Oppskrifta har eg lånt frå Passion 4 baking.

• 6 eggekvitar
• nokon dråpar sitron
• 2/8 ts salt
• 2 ts ekstrakt/essens, eg brukte bringebæressens
• 230 g sukker
• evt. konditorfarge

Bland dei 4 første ingrediensane på høg hastigheit til det blir stivt skum. Tilsett litt og litt sukker (ca 1 ss) heile tida medan du blandar. Når du har fått ein fin og stiv marengs har du i konditorfarge, hvis du vel å bruka det, og blandar til du har ein janm farge på det heile. Ha marengsen i spørytepose med stor tipp og spøyt ut toppar på bakepapir. Steik marengsen i ovnen på 100°C, du kan godt setja begge bretta inn samtidig. La dei steika 1 time. Når det har gått 1 time slår du av ovnen og let marengsen stå der til dei har kjølna heilt.

Risgryte

Dette er ein annan rett som har fulgt meg gjennom barndommen, og som blei laga jamnleg heima hos oss. Det er ein ganske enkel rett som ikkje tek så veldig lang tid og som smakar godt.

Til 4 porsjonar treng du:

• 1 pakke bacon (ca 300-400 g), i terningar, ikkje bruk den typen som er skjært i tynne skiver
• 1 pakke kjøttpølsa (5 pølser), i terningar
• 3 paprika, i terningar
• 6 porsjonar ris, då 1 porsjon er veldig liten
• karri og paprikapulver

Kok risen som anvist på pakken. Når du har risen i vatnet har du òg i paprika. Steik bacon og pølsa. Når risen er ferdig blandar du den med bacon og pølsa. La kvar og ein ha på krydder etter eigen smak :) Enklare kan det vel ikkje bli.

Krema pasta med kylling og bacon

Krema pasta med kylling og bacon er ein enkel og god middag som ikkje tek så mykje tid, og den kan varieast ved bruk av forskjellig krydder. Oppskrifta er inspirert av Kristins Middagstips. Her i huset blei middagen veldig godt motteken,og dei blei spurt om reprise allereie halvegs i middagen ;)

2-3 porsjonar:

• 300 g kyllingfilet i terningar
• 140 g bacon i terningar
• 2 tomater i terningar
• 100 g erter, frossne
• 1 dl grønsakskraft
• 2 dl matfløyte
• litt chilipulver
• litt paprikapulver
• salt og pepar
• sitronsaft
• basilikum
• 6 dl pasta, eg brukte penne og fusili

Sett på pasta til koking. Steik kylling og bacon godt. Tilsett chilipulver og paprikapulver og bland. Ha i fløyte og kraft. Rør om og la det heile koka på middels varme til det har tjukkna noko. Ha så i tomater og erter, og smak til med salt, pepar og sitronsaft. Hell vatn av pastaen og ha sausen i. Dryss over litt basilikum og bland alt godt. Server med kvitlauksbaguett.

Lussekattar

Lussekattar blir først og fremst baka til Luciadagen 13. desember. Luciadagen er ein adventstradisjon som blir feira med lys, opptog og mat. Lussekattar er ein typisk svensk gjærbakst. Kvar landsdel har gjerne sin eigen måte å forma lussekattane på. Den forma eg svergar til blir kalla "julegris".

30 lussekattar:

• 175 g smør
• 5 dl mjølk
• 1 pose tørrgjær
• 0.5 ts salt
• 2 dl sukker
• 0.5 ts gurkemeie
• 1 egg
• 1.5 l kveitemjøl
• rosiner til pynt
• 1 egg til pensling

Smelt smør i ein kjele. Hell mjølka i. Varm blandinga til den er fingervarm. Ha over i ein bolle og bland i salt, sukker, egg og gurkemeie. Bland gjæren i mjølet. Bland i så mykje mjøl atdeigen er godt å arbeida med og slepp bollen. Pass på at all gjæren blir me om du ikkje får bruk for alt mjølet. Dekk bollen med eit klede og la deigen heva i 30-60 minuttar på ein lun stad.

Frovarm steikeovnen til 225°C. Arbeid med deigen nokon minuttar i bollen og ta den så på bakebordet. Elt den smidig. Form lussekattane sånn som du vil ha dei. Legg dei på bakeplater og pynt med rosiner. Dekk med klede og la dei heva i ca 30 minuttar. Pensle med samavispa egg. Steik lussekattane midt i ovnen i 5-10 minuttar. Om du lagar stenger eller store julekaker må du steika på nederste rilla i 15- 20minuttar. Avkjøl på rist.

Her er nokon av formene lussekattane kan ha. Eit lite søk på Google gir deg nok endå fleire versjonar ;)

Mamma sine julekjeks ♥

Dette er litt mjuke kjeks med store bitar av sjokolade og peanøtter. Det er ikkje tradisjonelle julekaker, men heilt sidan mamma laga desse til jul eit år har dei blitt ein fast innslag til jul. Desse kjeksa er favoritten til både meg og vetlesystera mi, og med ei blanding av salt og søtt blir dei ikkje liggjande lenge i kakeboksen, så det er ein fordel å laga ein stor ladning når ein først er i gong.

Denne oppskrifta gir ca. 60 kjeks:

• 450 g margarin, romtemperert
• 350 g melis
• 200 g sukker
• 4 egg
• 2 ts bakepulver
• 550 g kveitemjøl
• 400 g sjokolade (denne gongen brukte eg 200 g dronningsjokolade og 200 g Freia Melkesjokolade med Non Stop), grovt hakka
• 250 g peanøtter

Forvarm steikeovnen til 200°C. Rør margarin, sukker og melis kvitt. Ha i eitt og eitt egg om gongen, og bland godt mellom kvart egg. Bland inn mjøl og bakepulver. Til slutt har du i sjokoladen og peanøttene. Bruk teskeier og plasser kjeksdeigen på steikebrett. Pass på at det er mellomrom mellom kvar ball då digen vil flyta litt utover i steikeovnen. Steik midt i ovnen i ca 10 minuttar. Avkjøl på rist før du har i lufttett boks. Om du lurar på kor lenge dei held seg, så har eg ikkje svar. Dei pleier alltid å forsvinna lenge før dei blir dårlige ;)

Brysselkjeks

Brysselkjeks eg tørre kjeks med ein mild smak av vanilje. For meg er dette julekaker, då det blant anna var desse me fekk servert hos mormor rundt juletider. Difor blir desse òg laga her i huset no når det nærmar seg advent og jul med stormskritt! Kjeksa inneheld berre 4 ingrediensar og er superenkle å laga. 

• 4.5-5 dl kveitemjøl
• 1 dl sukker
• 2 ts vaniljesukker
• 200 g smør el. margarin

I oppskrifta står det att ein skal hakka saman alle ingrediensane, noko som sikkert er mogeleg om ein har kjøkkenmasking. Eg pleier berre å kna dei saman i ein bolle, på same måte som eg ville gjort med ein paideig. Her får ein i grunn finna ut kva måte som høver best for ein sjølv. 

Det ser først ut som om deigen ikkje vil samla seg, og ein kan bli frista til å ha i vatn eller mjølk, men ikkje gjer det, gi den tid i staden. 

Når du har fått samla alt til ein deig formar du den til rullar på ca 4 cm i diameter. Sett rullane kjølig ei stund. 30 minuttar held nok, men har du andre ting du skulle ha gjort, som jo ofta er tilfelle rundt desse tider, så kan dei godt liggja lenger.

Forvarm steikeovnen til 175°C. Skjær rullane i skiver, og legg dei på bakepapir. Steik dei midt i ovnen i ca 10 minuttar. Dei skal fordsatt vera kvite når dei kjem ut av ovnen. Så er det berre til å la dei avkjøla før du har dei i ein lufttett boks.

Appelsinbrownies

Detter er ein brownies med karftig sjokoladesmak blanda med appelsin. For alle som elskar appelsinsjokolade i ei eller anna form er dette den perfekte kaka! Den varar i alle fall ikkje lenge her i huset sidan dette er ein av favorittane til både meg og min kjære :)

Til ei lita langpanna treng du:

• 200 g smør
• 5 dl sukker
• 4 egg
• 4 dl mjøl
• 2 krm salt
• 1 ts bakepulver
• 10 ss kakao
• 1 appelsin
• litt melis til pynt

Forvram ovnen til 150°C. Rør smør og sukker kvitt. Ha i egga og bland godt. Bland alt det tørra og sikt i røra. Rasp skalet av appelsina. Pass på her at du berre får med det ytterste av skalet, og ikkje noko av det kvite. Det kvite kan nemlig gi kaka ein bittersmak. Ha skalet i bollen saman med safta frå 1/8 - 1/4 av appelsina, alt etter kor sterk appelsinsmak du vil ha på browniesen. Om du berre vil ha eit hint av appelsin held det lenge med berre skalet. Bland så alt saman til ei jamn røra og ha den i langpanna. Steik i nedre del av ovnen i ca 45 minuttar - 1 time. Steike tida kjem litt ann på steikeovnen og korleis du lika konsistensen på browniesen din. Om du vil kan du ha over eit dryss av melis når du serverar, og server gjerne med nytrakta kaffi eller iskald mjølk :)

JukseTacosuppa

Sidan det blir smalahove seinare i kveld fant eg ut at det måtte bli noko lett til ein tidleg middag. Og medan eg stod å laga denne suppa tenkte eg detta er ei oppskrift mange kanskje har bruk for, sidan den nesten ikkje tek noko tid i det heile og er enkel å laga, samtidg som den smakar nesten som heimalaga. Passar veldig bra når ein har lita tid eller andre ting ein heller vil gjera ;)

• 1 pose Toro Taco Kjøttsuppe
• 1 pakke karbonadedeig (400 g)
• 1 boks chilibønner
• 1/2 pose tacokrydder
• 4-5 cherrytomater
• ost
• rømme

Kok suppa som anvist på pakken. Steik karbonadedeigen og ha på tacokrydder. Del opp cherrytomatene. Mot slutten av koketida har du den steikte karbonaden, chreeytomatene og chilibønnene i suppa. La den så få eit raskt oppkok att før du serverar den. Ha over reven og, så mykje eller lite som du har lyst på. Same prinsipp gjeld for rømmen. Om du har paprika og løk ha det òg i. Du kan òg servera med trotilla inntil. Så enkelt er det altså :)

Biscotti med sjokolade og hasselnøtter

Biscotti er tradisjonelle italienske kjeks, og kanskje ikkje det ein forbinn med julekaker her i Noreg. Mange julekaker kan verta litt kjedelige og tørre synst eg. Då passar desse heilt ypperleg som julebakst sidan det både er sjokolade og nøtter i, noko som gir det det vetle ekstra. I tillegg gir nugattien eit lite ekstra kick av både sjokolade og hasselnøttsmak.
Biscotti blir i Italia servert med vin santo, som ein dypper kjeksen i. Utanfor Italia er det meir vanleg å servera den med kaffi i ei eller anna form eller svart te, men eg ser ikkje noko i vegen for å dyppa dei i mjølk heller ;) Denne oppskrifta, som eg har oversatt frå Erica's Sweet Tooth, gir ca 22 stk, men eg skar dei litt tjukke så ein kan nok få fleire.

• 115 g smør, romtemperert
• 170 g sukker
• 140 g Nugatti/Nutella
• 3 egg
• 2 ts vaniljeekstrakt
• 400 g mjøl
• 0.5 ts bakepulver
• litt salt
• 150 g  sjokolade, grovt hakka
• 165 g hasselnøtter, utan skall, rista og grovt hakka

For å få skinnet lettare av hasselnøttene kan du koka dei nokon minuttar. Bruk så eit handkle for å gni av skallet. Pass på dei er heilt tørre før du ristar dei gyldne i ei tørr steikepanna. 

Forvarm så steikeovnen til 175°C. Visp smør og sukker kvitt. Ha i Nugatti miks til du har ei janm røra. Tilsett så eitt og eitt egg. Skarp kantane og miks godt mellom kvart. Ha i vaniljeekstrakt og bland igjen. 

Ha i mjøl, bakepulver og salt. Litt om gongen og bland til det nett er blanda saman. Vend så inn sjokoladen og hasselnøttene. 

Kle eit steikebrett med bakepapir. Del deigen i to og lag to pølser lika lange som steikebrettet (ca 33 cm). Trykk dei ut til dei er ca 5 cm breie. Pass på at det er 10 cm mellom pølsene. Steik i 30-35 minuttar.

Ha pølsene over på rist og lat dei avkjøla til romtemperatur. Når dei er avkjølte varmar du opp att steikeovnen til 175°C. Brukar ein skarp kniv og skjær skiver ca 1 cm tjukke. Sjær svakt diagonalt. 

Plasser biscottiane på steikeplata med kuttsida ned og steik i 20-25 minuttar. Lat dei så avkjøla heilt før du har på sjokolade.

• 150 g sjokolade
• 2-3 generøse ss Nugatti

Smelt sjokoladen over vassbad. Ta så sjokolade av og visp inn Nugattien. Ha sjokoladen over på fat og dypp botnen av biscottien i den. Lat sjokoladen stivna før du har dei i ein lufttett boks. Her kan biscottien halda seg i opptil 2 mnd. 

Sjokolade- og pistasjkjeks

Då var det helg, og medan min kjære har vore ute i skogen for å prøva å drepa bambi har eg hatt litt husmorlørdag i heimen. Noko som ikkje alltid er lika lett når ein gløymer at ein har bakst i steikeovnen. OSm de ser vart desse kjeksa ein smule brune i kantane, men smakar heldigvis lika godt. Eit brett gjekk rett i bosset! Det kan ikkje klaffa kvar gong uheldigvis, men eg seier berre "Betre lykke neste gong" ;)

• 225 g margarin
• 175 g melis
• 100 g sukker
• 2 egg
• 1 ts bakepulver
• 275 g kveitemjøl
• 200 g kokesjokolade
• 75 g pistasjnøtter

Forvarm steikeovnen til 200°C. Rør smør, sukker og melis kvitt. Ha i eitt og eitt egg om gongen. Bland mellom kvart egg. Bland inn mjøl og bakepulver. Ha til slutt i grovhakka kokesjokolade og pistasjnøtter. Steik i ca 10 minuttar midt i ovnen. Avkjøl heilt før du har dei i lufttett boks.

Sjokolademokka

No når hausten er komt for fullt er det godt å sitta inne og kosa seg med noko varmt i koppen. Kaffi og te er fint, men av og til vil ein ha noko ekstra godt. Då er sjokolademokka tingen! Dette er ei blanding mellom kaffi og kakao, og smakar heilt nydelig!

Til 4 vanlege kaffikoppar eller 2-3 av dei du ser på bilete treng du:

• 0.5 dl sukker
• 0.5 dl kakao
• 3 dl kokande vatn
• 3 dl kaffi, strek og nytrakta
• 3 dl kaffifløyte
• 0.5 krm salt

Bland sukker og kakao i ein kjele. Hell over litt av det kokande vatnet og rør til sukker og kakao er heilt blanda ut. Ha så over resten av vatnet, kaffien, fløyten og salt. Gi eit raskt oppkok medan du rører kraftig. Server med ein gong og gjerne med ein kremdott. Det hadde ikkje eg, så då blei det ikkje det denne gongen. Eg trur òg at sjokolademokkane kunne vore god med ein skvett baileys i, så når det passar seg litt meir sånn skal dette prøvast ut ;)

Grove rundstykker

Her kjem ei oppskrift på raske og gode rundstykker som eignar seg godt både i nistepakken og søndgasfrokosten. Desse smakar utruleg godt, og solsikkerkjernar og linfrø er godt for magen. Om du ikkje vil eta opp alle på ei gong kan dei òg frysast ned til ein annan gong. Når du skal tina dei opp at legg du berre dei frosne rundstykka rett i forvarma steikeovn (150-200°C) i ca. 5 minuttar.

17-20 rundstykker:

• 2 ss margarin
• 3.5 dl skumma mjølk
• 50 g gjær
• 250 g sammalt kveite, grov el. fin
• 250 g kveitemjøl
• 0.5-1 ts salt
• 1 dl solsikkekjernar
• 1 dl linfrø

Smelt margarin. Ha i mjølka og varm opp til fingervarmt. Rør gjæren ut i mjølk- og smørblandinga. Ha mjøl, solsikkerkjernar, linfrø og salt i ein bolle. Hell mjølk- og smørblandinga over og elt deigen til den blir sieg og smidig. Diegne skal vera god å ta i, men ikkje for fast. Dekk til bollen med plast, eg brukar ei badehetta, og la deigen heve på ein lun stad i ca. 30 minuttar. Forvarm steikeovnen til 230-250°C.

Hell deigen ut på ei lett mjøla overflata. Del den i 17-20 emner og trill runde bollar. Legg dei på ei plata dekkja med bakepapir. Dekk med klede og lat rundstykka heva i ca 30 minuttar til. Pensle dei så med samanvispa egg. Steik midt i ovnen i 12-15 minuttar. Avkjøl litt på rist før du serverer dei. 

Enkel lapskaus

Denne helga som var hadde eg jobbhelg. Sidan min kjære hadde planar om å reisa på jakt tenkte eg det var best å laga nok middag til at det var restar å varma opp att, samtidig som det måtte vera enkelt og greitt å både laga og raskt å varma opp att etter jobb. Tok ein tur i frysaren og der fant eg ein pose med lapskausblanding, så då blei det lapskaus. Vart ikkje noko bilete denne gongen, men de veit vel alle ca korleis lapskaus ser ut.

Til 3 liter treng du:

• 1 pose lapskausblanding
• 1,5 liter buljong
• 5 kjøttpølser
• 1/2 blomkål
• 1/2 brokkoli
• salt
• pepar

Kok opp buljongen. Medan du ventar på at den skal koka deler du opp kjøttpølsa, blomkålen og brokkolien. Når buljongen kokar har du i lapskausblandinga, blomkål, brokkoli og kjøttpølsa. Lat det koka opp att. Lat det koka litt sånn at blomkålen og brokkolien blir litt møre. Smak til med salt og pepar. Så er supppa klar til servering. Enkelt og greitt!

Formkaka med eple og blåbær

Nesten to veker sidan sist innlegg no. Det skuldast lite nytt på kjøkkenet og generelt liten inspirasjon til å finna nåko nytt å laga. Av og til kjem ein inn i periodar der ein ikkje har noko lyst til å laga mat, og i alle fall ikkje noko nytt. Heldigvis går det over! Denne oppskrifta har eg lånt frå Marias Salt og Søtt. Har teke vekk noko og tilsatt noko anna, men stort sett er oppskrifta den same. Eg har brukt epler frå bestemor sin hage og sjølvplukka blåbær frå Espelandsdalen, noko eg er skikkeleg fornøgd med sidan det ligg litt meir innsats og sjel i kaka enn det å gå på butikken for å få tak i det same som ein finn rett utanfor døra.

• 125 g kaldt smør i terningar
• 150 g kveitemjøl
• 75 g sammalt kveite
• 2 ts bakepulver
• 175 g sukker
• 2 egg
• 2 epler, skrelt og delt i tynne skiver
• ca 100 g blåbær (ferske eller frosne)
• litt kanel

Forvarm steikeovnen til 180°C. Kle ei lita brødform, som held ca 1 liter, med bakepapir. Eller smør den med formfeitt om du heller vil det, men då blir det litt vanskeligare å få kaka ut av forma etterpå.

Sikt mjøl og bakepulver og bland det saman med smøret til det ser ut som brødsmular. Ha så i sukker,egg og kanel. Bland til du har ei tjukk og jamn røra. 

ha halvparten i brødforma og bre den jamt utover. Legg på halvparten av epleskivene og halvparten av blåbæra. Ha så resten av røra over og jamn til overflate så godt du klarar. Ha på resten av epleskivene og blåbæra. Steik midt i ovnen ca 1 time. Sjekk med kakepinne (spagetti) om kaka er ferdig. Heng det røra igjen så må kaka stå litt til. 

La kaka stå i forma 10-15 minuttar før du har den ut av forma. Server gjerne lunka med vaniljeis :)

Eplemos

I tillegg til å laga Daimkjeks har eg i dag vore ut til bestemor å plukka nokon posar med epler. Den eine posen fekk svigermor, sidan eg umuleg klarar å bruka opp alt før dei blir dårlige, den andre behaldt eg sjølv. Bestemor gav meg nokon tips om kva eg kunne laga av eplene, ein av dei var eplemos. Virka enkelt nok, sjølv om eg har ein tendens til å ikkje ha tolmodigheit med ting som skal koka på låg varme, så eg gav det eit forsøk. Resultatet blei overraskande bra.

Du treng:

• epler, helst norske
• litt vatn
• evt. kanel

Ha vatn i ei panna sånn at det akkurat dekkjer botn. Dette skal berre hinda eplene frå å setja seg fast i botn. Skrell så mykje epler som du vil laga eplemos av. Del dei så i fira og fjern kjernehuset. Ha eplebitane i panna og skru plata på låg varme. Ha lokk på panna og la det stå å koka til eplene har blitt til mos, enkelt og greit. Rør i panna av og til! Når eplene er blitt til mos kan ein tilsetja litt kanel om ein har lyst. Ha eplemosen over på reine glas. Skru lokket godt på og snu glasa på hovudet sånn at det er minst mogeleg luft i glaset. Lat dei stå sånn til eplemosen har kjølna. Oppbevar i kjøleskap eller frys ned til seinare.

Daimkjeks

I går fekk eg ein god del daimkuler av sjefen min på jobb, då me ikkje har bruk for dei meir. Allereie før eg var komen heim hadde eg minst ein plan for kva eg skulle bruka dei til, og sidan eg har ein del å bruka opp er det bra. Så de kan forventa ein del bakverk med daim utover hausten og vinteren. Første oppskrift ut blei daimkjeks. Desse er heilt fantastiske med god sjokoladesmak i sjølve kjeksdeigen og knas og karamellsmak frå Daim.

ca. 26 kjeks

• 200 g smør
• 150 g sukker
• 50 g brunt sukker
• 0.5 ts vaniljeessens
• 1 stort egg
• 225 g kveitemjøl
• 2 ss kakao
• ei klypa salt
• 1 ts natron
• 250 g Daimkuler

Forvarm steikeovnen til 180°C, bruk varmluft då du kan steika fleire brett samtidig på denne måten.
 Ha smør, sukker og vaniljeessens i ein stor bolle og rør det godt saman. Rør Så inn egget til røra er lett og luftig. Sikt mjøl, kakao, salt og natron over røra, og rør det inn. Vend inn daimkulene. Kle to steikeplater med bakepair. Bruk ts til å laga kuler av digen som du set på steikeplatene. Deigen vil flyta utover når du set steikeplatene i steikeovnen, så du må passa på å ikkje steja kulene for tett. Steik kjeksa i steikeovnen i 10-12 minuttar til dei er sprø på utsida, men framleis mjuke inni. Avkjøl kjeksa på steikeplatene i ca 2 minuttar før du legg dei på rist og lar dei avkjøla heilt. Oppbevar i ein lufttett boks.

Nigella's Devil's Food Cake

På heimesida til Nigella Lawson pågår det kvar månad ein konkurranse (cookalong) som går ut på å laga ei spesifikk oppskrift, ta bilde av det ferdige resultatet og lasta det opp på sida saman med ein kommentar til oppskrifta. Premien er ei oppskriftsbok etter eige val signert av Nigella. Denne månaden er oppskrifta Devil's Food Cake, ei oppskrift eg lenge har hatt lyst til å prøva meg på. Dette vart dermed ein ypparleg anledning til å gjera dette. Sidan det til tider kan bli litt vel mykje kaker og slikt her i heimen valde eg å halvera oppskrifta. Nedanfor får de altså det dobbelte av den oppskrifta eg laga til. Har òg bytta ut mørkebrunt muscovadosukker med vanleg brunt sukker og vaniljeekstrakt med vaniljesukker, dette eine og åleina fordi desse er enklare å få tak i. Har òg laga focaccia i dag, og begge deler blir med i babyshower i morgon.

Botn:

• 50 g kakao (sikta)
• 100 g brunt sukker
• 2,5 dl kokande vatn
• 125 g smør (helst usalta)
• 150 g sukker
• 225 g kveitemjøl
• 0,5 ts bakepulver
• 0,5 ts natron
• 3 ts vaniljesukker (el. 2 ts dersom du brukar vaniljeekstrakt)
• 2 store egg

Frosting:

• 1,25 dl vatn
• 30g brunt sukker
• 175 g smør (helst usalta) i terningar
• 300 g mørk kokesjokolade fint opphakka

Forvarm steikeovnen til 180°C. Kle 2 kakeformer à 20 cm med bakepapir og smør dei godt. Om du gjer som meg og halverar oppskrifta treng du berre ei form. Ha kakao og brunt sukker i ein bolle og slå over det kokande vatnet. Rør til det er godt blanda saman og set så tilsides. 

Visp smør og sukker kvitt. Blanda saman mjøl, bakepulver og natron.

Om du brukar vaniljeektrakt har du denne i smør- og sukkerblandinga no og blandar godt saman. Gjer du som meg, og brukar vaniljesukker har du det i mjølblandinga. 

Bland 1 egg i smør- og sukkerblandinga. Ha så i litt av mjølblandinga i bollen, før vispar inn det andre egget. Forsett å miksa til all mjølblandinga er blanda inn. Til slutt har du i kakaoblandinga som til laga til aller først. Fordel så røra i dei 2 kakeformene, eller ha alt i ein eine, alt etter som. Steik i 30 minuttar, eller til kakepinnen kjem ut rein. Lat botnane avkjøla i formene i 5-10 minuttar før du tek dei ut for å kjøla av heilt. 

Så snart botnane er ute av steikeovnen begynnar du med frostingen. Ha vatn, brunt sukker og smør i ei panna og la det smelta på låg varme. Når dette begynnar å bobla tek du panna av plata og har i sjokoladen. Sørg for at all sjokoladen før kontakt med smørblandinga. La den stå eit minutt før du vispar forstingen glatt og blank. 

La den stå 1 time. Rør i den no og då, f.eks. kvar gong du går forbi panna. Etter ein time vil kaka vera klar for frostingen. Har du to botnar set du den eine på eit kakefat og har på 1/3 av frostingen. Om du berre har ein botn deler du denne i to og gjer det same med eine halvdelen. Legg så den andre delen på toppen og ha på resten av frostingen på toppen og sidene. Hell frostingen midt på kaka og spre den forsiktig utover med ein slikkkepott el. La den renna nedover sidene. Pynt kaka etter smak og behag. 

Mud Hen Bars

Fant denne oppskrifta på denne amerikanske bloggen, og fekk lyst til å prøva meg på den. Dette er kjeksbotn med sjokolade, marshmallows og marengs. Fant ikkje noko betre namn enn orginalnamnet, så då blei dei heitande det. Barane blir litt klissete på grunn av marshmallowsen, og passar nok kanskje betre i barnebursdag enn kakeselskap, men som noko godt når ein er fysen passa dei heilt perfekt. Og aller best er dei når dei kjem rett frå kjøleskapet.

• 120 g smør
• 200 g sukker
• 1 egg
• 2 eggeplommer
• 2 eggekvitar
• 180 g kveitemjøl
• 1 ts bakepulver
• 100 g sjokolade (hakka)
• 130 g marshmallows (mini eller oppdelte store)
• 130 g brunt sukker

Forvarm steikeovnen til 180°C. Rør smør og sukker kvitt. Visp inn det heile egget og to eggeplommer. Bland mjøl og bakepulver og ha det i bollen. Bland alt saman godt. Spre røra i ei smurt form (ca 23x33 cm). Strø over hakka sjokolade og marshmallows. Visp eggekvitane stive. Vend inn brunt sukker og spre over forma. Steik midt i ovnen i 40 minuttar. Når den er ferdig lar du den kjøla heilt ned før du deler den i firkantar. Hvis du klør i fingare etter å ta deg ein bit kan det kjølast raskare ned ved å setja forma i kjøleskapet eller frysaren. 

Havremuffins med sjokoladebitar

Laga for ei stund tilbake havremuffins med plommer. Desse var ikkje akkurat nokon stor suksess, sjølv om småfuglane som fekk dei vil sei noko anna. Problemet var plommene, for havremuffinsen i seg sjølv var i grunn ganske god, så eg tenkte kvifor ikkje prøva å ha sjokolade i i staden. For kva blir ikkje bra med sjokolade? På dei siste 5 muffisane hadde eg dessutan ei teskjei med peanøttsmør på kvar. Var i grunn ikkje så dumt det ;)

• 130 g smør
• 2 egg
• 2,5 dl sukker
• 2,5 dl kulturmjølk
• 3,5 dl havregryn (små)
• 2,5 dl kveitemjøl
• 2 ts bakepulver
• 100 g mørk sjokolade
• (peanøttsmør)

Forvarm steikeovnen til 180°C. Smelt og avkjøl smør. Pisk egg og sukker til eggedosis. Rør inn smør og kulturmjølk. Bland havregryn, mjøl og bakepulver. Rør dette inn i. Hakk sjokoladen i passelege bitar og vend den inn i røra. Fyll formene 2/3 og steik midt i ovnen i ca 20 minuttar. Dei er ganske mjuke når dei kjem ut av ovnen, så lat dei avkjøla litt før du tek ein smaksprøve ;)

Mexikansk skinkegrateng

Laga dette på tirsdag, men på grunn av tekninske problemar med internett vart det ikkje til at eg fekk posta oppskrifta i dag. Fant oppskrifta på Storemyras matblogg, men forandra litt på måla og tilberedinga sidan eg såg det kom til å bli litt vel sterkt for min kjære. Originaloppskrifta finn de her.

Grateng

• 2 boksar Picnicskinka
• 1 ss soyasaus
• 0.5 ts chilipulver
• 2 vårlauk
• 2 gulrøtter

Forvarm steikeovnen til 200°C. Kutt skinka opp i treningar. Kutt vårlauken opp i ringar. Skrell gulrøttene og del dei opp i skiver. Bland saman og ha det i ei eldfast form. Ha over chlipulver og soyasaus og bland det heile godt saman.

Saus

• 3 ss kveitemjøl
• 2 dl matfløyte
• 2 dl buljong
• 1 ts sambal oelek (chilipasta)
• 0.5-1 dl sweet chilsaus
• reven ost

Rist saman mjøl og fløyte. Rør inn buljong, chilisaus og sambal oelek. Sambal oelek finn ein i dei fleste innvandrarbutikkar, eg kjøpte den på Europris Pluss i Åsane. Slå sausen over forma, og sørg for at alt der nokolunde dekka av saus. Steik midt i ovnen. Etter 10 minuttar tek du gratengen ut og har på så mykje ost som du vil. Sett forma inn igjen i steikeovnen i 15 minuttar. Ca halvegs i denne steiketida slo eg på grillfunksjon for å gjera osten ekstra gylden og litt sprø. Server med ovnssteikte poteter og cherrytomater eller ein frisk salat.

Penne con Ragù

Hadde ingen idè om kva eg skulle laga til middag i dag, så eg byrja sjå gjennom alle dei oppskriftshefta eg har samla for å sjå om eg fant noko eg kunne tenkja meg å laga. I og med at eg allereie hadde teke opp ein karbonadedeig, var eg mest på utkikk etter ei oppskrift der eg kunne bruka denne. I ei av hefta frå Rema 1000 fant eg denne oppskrifta og tenkte at dette kunne vera verdt å prøva. Eg tok i midlertid å gjorde nokon få justeringar frå orginaloppskrifta. Eg bytta ut 500 g kjøttkakedeig med 400 g karbonadedeig, minska mengda pasta frå 500 g til 350 g og hadde i gulrøtter i staden. Som de ser så står det kanel i oppskrifta. Eg var litt skeptisk til akkurat dette, men eg lovar, det smakar ikkje kanelbollar av middagen ;)

Til 4-6 porsjonar treng du:

• 2 laukar
• olivenolja
• 2 boksar hakka tomater
• 2 små laubærblad
• 400 g karbonadedeig
• 350 g frosne erter
• 5 små gulrøtter i bitar (ca 180 g)
• 1-2 ts kanel (evt. muskat)
• 1 ss sukker
• salt og pepar
• 350 g penne
• reven ost

Finhakk den eine lauken og fres i litt olivenolja til den er gylden. Tilsett dei hermetiske tomatene og laubærblada. La sausen småkoka i 15-30 minuttar.

Finhakk den andre lauken og fres den òg i olivenolja. Skru opp varmen og tilsett karbonadedeigen. Steik i 3 minuttar. Tilsett så erter, gulrøtter og kanel.

Bland tomatsausen med den steikte karbonadedeigen. Ta ut laubærblada og la det småkoka i minst 30 minuttar. Smak til med salt, pepar og sukker.

Medan raguen kokar, kokar du penne. La den koka 2 minuttar kortare enn det som står på pakken. Bruk rikeleg med lettsalta vatn. Ta vare på noko av kokevatnet og spe i raguen for å få meir kraft. Bland penne med raguen og la pastaen koka ferdig i sausen før servering. Server med litt reven ost. I oppskrifta stod det parmesan, men her i huset nøyer me oss med vanleg kvitost. Ha gjerne litt salat attåt òg.

Himmelske sjokolademuffins

Av og til finn eg oppskrifter som blir sitjande i hovudet på meg heilt til eg får laga dei. Dette er ein av dei oppskriftene. Ikkje fordi den er så fryktelig spesiell, men fordi den inneheld kaffi, som eg nyleg har lært meg å laga, men ikkje lika. Oppskrifta til sjølve muffinsen er lånt frå Passion 4 vintage, forstingen er den same som på desse muffinsane.

Til 18 muffins treng du:

• 2,5 dl varm kaffi
• 60 g kakao
• 1,5 dl olja
• 290 g sukker
• 2 eggeplommer
• 2 egg
• 1 ts vaniljeekstrakt/vaniljesukker
• 200 g mjøl
• 1 ts bakepulver
• 1 ts natron

Forvarm steikeovnen til 175°C. Bland kakaoen i varm kaffi. Bland så sukker, mjøl, bakepulver og natron i ein bolle. Ha i egg, eggeplommer, vaniljeekstrakt, olja og kaffi med kakao. Miks detta saman til ei glatt røra. Fyll mffinsformene 2/3 fulle. Steik midt i ovnen i ca 20 minuttar. La muffinsane bli heilt kalde før du har på frostingen. Om du ikkj vil ha frosting så smakar dei lika godt utan :)

Focaccia

I går var det tapas-kveld med ein god vennegjeng. Og då benytta eg sjangsen til å prøva meg på ei ny oppskrift, som vanleg. I går falt valget på focaccia rett og slett fordi det er så utruleg godt inntil tapas, og fordi det ikkje er så veldig komplisert å få til :)

Ei lita langpanna:

• 6 dl kveitemjøl
• 4 dl sammalt kveite
• 1 pakke tørrgjær
• 5 dl lunka vatn
• 1 ts salt
• 1 ts sukker
• 2 ss olivenolja

Fyll:

• 0.5-1 glas fetaost
• 0.5 glas soltørka tomater i olja, hakka i medium bitar.
• 2 dl steinfrie oliven
• 2 ts flaksalt
• 1 dl olivenolja
• timian

Bland mjøl, tørrgjær, sukker, salt og vatn til det blir ein jamn og tjukk deig. Tilsett olivenolja slik at den nett legg seg rundt deigen. la så focacciadeigen heva på ein lun plass i 30-40 minuttar, gjerne under plast.

Sett steikeovnen på 180°C. Smør ei lita langpanna (20x30cm) og hell så deigen i. Trykk ned fetaost, soltørka tomater og evt rosamrin/timian. Fordel oliven over, strø på salt og hell over olivenolja.

Bruk hendene og klapp deigen ned sånn at det blir danna mange små groper på overflata av focacciaen. 

Etterhev i ca. 10 minuttar. Steik så brødet midt i ovnen i ca. 25 minuttar, eller til det er heva, gylldent og gjenomsteikt. Avkjøl på rist.

Pizza på 1-2-3

Har nett ete noko som berre kan beskrivast som ein heilt himmelsk pizza. Og det besta med den er at det tek ca. 10-15 minuttar å laga frå begynnelse til slutt. Heil perfekt når ein har lyst på pizza, men ikkje orka laga ei heil steikeplata berre til seg sjølv, og er lei frossenpizza ;)

Og så har me juksa litt

Du treng:

• Pizza tortilla
• Pizzasaus
• Kyllingfilet
• raudlauk
• mozarella
• paprika
• cherrytomater

Veldig enkelt om du brukar den pizzasausen eg brukte (Cremè fraîche med mango og chili) må ein berre røra saman kladt, ingen koking. Forvarm steikeovnen til 250°C. Steik kyllingen litt. Ha pizzasausen og mozarella på lefsa. Kutt paprika, raudlauk og cherrytomater i den størrelsen du vil ha og ha det på. Ha på kylling og dryss ver litt meir mozarella. Steik midt i ovnen i 5-6 minuttar. Server! Om du har er det godt med litt ruccola på. Det hadde ikkje eg i kjøleskapet i kveld, så då blei det ikkje det denne gongen.

Bestemor sine nordlandslefser

Sist veka var eg på besøk til ein av mine eldre søstre, og då kom me til å snakka om nordlandslefsene til bestemor. Og sidan eg er den eg er har eg gått rund å tenkt på at eg ville prøva meg på desse, så då eg var på besøk til bestemor i går fekk eg med meg oppskrifta heim saman med ein del plommer. Veit ikkje heilt kva eg skal gjera med plommene endå, eller om eg skal gjera noko med dei i det heile, men det får me sjå. Eg og bestemor avtalte òg at eg skal komma ut å att plukka epler når dei er modne, så det blir nok nokon epleoppskrifter på bloggen utover hausten vil eg tru. Formiddagen i dag har naturleg nok gått med til å steika lefser. Det tek litt tid når ein ikkje har takka, men må steika ei og ei lefsa i steikepanna, men det er vel verdt det ;) Har òg laga tunfiskpasta til middag i dag, så i dag er det mykje god mat i hus :)

• 2 koppar kulturmjølk (mørkeblå)
• 1 kopp rømme
• 1 kopp sukker
• 1 kopp smelta margarin
• 1 beger lys sirup
• 2 ts natron
• 3 ts hjortetakksalt
• 1/2 ts bakepulver i mjølet
• 800-900 g kveitemjøl + ekstra til utkjevling

I denne oppskrifta er det brukt måleeinheiten koppar. Dette betyr at når du målar opp dei forskjellige ingrediensane (utanom sirupen) MÅ du bruka same kopp til alle ingrediensane sånn at det blir riktig mengdeforhold.

Bland alle ingrediensane saman i ein bolle. Rør minst mogeleg, då lefsene blir seige om du rører for mykje. Sett deigen kaldt i kjøleskap eit par timar, gjerne over natta, eller ein time i frysaren. Detter er fordi smøret i deigen skal stivna igjen.

Når du tek deigen ut av bollen er den ganske så klissete, så det er behov for ein del mjøl når ein skal kjevla ut lefsene. Eg prøvde først å kjevla ut heile deigen og trykka ut lefser med ei skål, men detta blei meir gris enn det var vits i. så eg hadde saman att heile deigen igjen og tok heller å skar av små klumpar og så kjevla ut ein og ein. Ein treng ikkje så stor klump til for at det skal bli ein bra størrelse på lefsa sidan det er så mykje hevemiddel i deigen. Ein må nesten berre prøva seg fram og finna ut korleis ein vil ha dei. 

Steik lefsene på medium varme i ei steikepanna med non-stick belegg til dei er gyldenbrune på begge sider. Steikepanna skal vera heil tørr. Legg dei ferdigsteikte lefsene på ei rist under ei kjøkkenhandkle og la dei ligga til dei har kjølna heilt. Så er det berre til å servera. 

Heima hos bestemor er det alltid nordlandslefser med smør og brunost, og eg anbefalar dette på det sterkaste sidan det smakar heilt fantastisk!

Klarar du ikkje å eta opp alle på ei gong går det fint ann å frysa lefsene og ta dei opp ein gong ein får uventa besøk :)

Mørdeigskaka med sjokoladebitar

fridag for meg betyr som regel bakedag, og i dag er intet unntak. Etter litt fram og tilbake om eg faktisk skulle ta å baka i dag òg, kom eg fram til at "Jo, det skal eg". Så eg forsett på kokebok-prosjektet mitt og lagar ei oppskrift eg har funne i ein av kokebøkene mine. I dag bladde eg tilfeldig opp på ei side i "Sjokolade" og fant denne oppskrifta. Sidan det var bruk for så få ingrediensar synst eg denne var ein god idè å laga sidan eg eigentleg ikkje orka noko som tok lang tid eller kravde mange ingrediensar.

• 115 g smør
• 115 g kveitemjøl (eg blingsa litt og brukte 155 g, men det fungerte det òg sjølv om kaka kanskje ikkje blei så saftig som den skulle ha blitt)
• 55 g maizena
• 55 g sukker
• 65 g sjokolade (i boka stod det 40 g, men det er jo alt for lite :P )

Forvarm steikeovnen til 160°C. Smør ei lita form. I boka stod det 23 cm paiform med laus botn, men sidan eg ikkje har det så blei det ei 20x20cm firkanta form. Ta det du har i kjøkkenskapet.

Sikt mjøl og maizena i ein bolle. Rør inn sukkeret. Tilsett smør i terningar, og smuldre det inn til blandinga begynnar å binda seg.

Ha deigen i den smurte forma og klem den jamt ned. Prikk overflata med gaffel. Dette klarte eg òg å blingsa på, så ein skulle jo tru eg aldri har lest ei oppskrift før, men det gjekk fint likavel. 

Hakk sjokoladen i bitar og dryss den over deigen. Klem den lett ned.

Steik kaka i steikeovnen i 35-40 minuttar til den er steikt, men ikkje brun. Skjær den i passelege bitar med ein skarp kniv. Avkjøl stykkene i forma i 10 minuttar. Legg dei så på rist, og avkjøl dei heilt...om du klarar å venta då!

Baconsurra torsk med ertepurè

Sidan eg har klart å opparbeida meg ein god stabel med kokebøker dei siste åra har eg no bestemt meg for at det er på tide å gjera nytta av dei. Denne oppskrifta er henta frå "Den rutete kokeboken" til Ingrid Espelid Hovig, min store helt då eg var lita. Det høyrest kanskje ut som ein fancy oppskrift, men er utruleg enkel og grei å laga. Og så gjer det jo ikkje noko at det smakar godt òg.

4 porsjonar:

• 600 g torskefilet (eller ein filet pr. pers.)
• salt
• pepar
• 150 g bacon

Tin fisken om du brukar fryst fisk. Når fisken har tint sett varm steikeovnen til 250°C. Krydre torsken med salt og pepar. Ha bacon rundt filetane. Legg dei i ei smurt eldfast form og steik dei i ca 10 minuttar.

Ertepurè:

• 250 g fryste erter
• 0.5 dl rømme el. crème fraîche
• salt
• pepar
• 0,5 dl hakka graslauk (kan sløyfast)

Kok opp vatn med litt salt i. Ha i ertene når vatnet fosskokar og kok i ca. 1 minutt. La ertene renna av godt av og bland dei med stavmiksar saman med rømme. Smak til med salt og pepar. Bland i graslauk om du har det.

Server med kokte poteter og salat.

Kylling i karri

Etter ein tilfeldig kommentar om nattmat beståande av kylling og karri klarte eg ikkje å få dette ut av hovudet, så i går blei det kylling i karri til middag. No når det begynnar å bli kaldare ute er det godt med mat med god og kraftig smak, som varmar. Dette er nettopp ei sånn rett.

4 porsjonar:

• 400 g kyllingfilet
• 3 fedd kvitlauk
• 2 lauk
• 2 ss karri
• 1 ss spisskummen
• 1 ts ingefær
• 0,5-1 ts red curry paste (kan sløyfast)
• 3 ss tomatpuré
• 2 dl vatn
• 3 dl matyoghurt
• 1 paprika

Hakk kvitlauk og lauk, og steik det saman med karri, spisskummen, ingefær og olja til lauken er mjuk. Del kyllingfilete i passelege bitar og ha den i steikepanna saman med tomatpuré og red curry paste. Red curry paste kan ein få kjøpt i dei fleste innvandrarbutikkar, men om du ikkje har tilgong på dette kan denne ingrediensen sløyfast og evt erstattast med litt meir karri om du vil.
Fres dette i nokon minuttar. Ha så i vatn og kok opp. Kok til kyllingen er gjennomkokt. Ha så i matyoghurten og rør til du har ein jamn gryta. Ha i paprikaen og la gryta stå å putra på middels varme nokon minuttar. Server med ris, grøn salat og rømme.
Om du får restar kan denne gryta fint oppbevarast i kjøleskap nokon dagar eller frysast. Husk å varma opp att langsomt, sånn at den ikkje skil seg.

Kjøttkaker i brun saus

Planen i dag var eigentleg fiskegrateng frå Findus, men eg fekk plutseleg så lyst på kjøttkaker. Dette er noko eg ellers berre et når eg er hos mormor sidan ingen kjøttkaker nokon sinne har kunna måle seg med hennar. Det kan for så vidt ikkje desse heller, men det var innanfor godkjent i følgje magen min, så då vert det kanskje kjøttkaker litt oftare heretter.

Til ca 10 kjøttkaker treng du:

• 400 g karbonadedeig
• 1,5 ts salt
• ca. 1/4 ts pepar
• 1/4 ts malt muskat (kan sløyfast)
• 1/4 ts malt ingefær (kan sløyfast)
• 2 ss Maizena el. potetmjøl
• 1,5 dl mjølk el. vatn

Bland saltet godt inn i karbonadedeigen. Rør in krydder og potetmjøl og spe med mjølk/vatn, litt om gongen.

From farsen til runde kaker ved hjelp av ei skei, handa og kaldt vatn.

Steik kakene i ei middels varm steikepanna til dei har fått ein fin bruning på kvar side.

Ha kakene i brun saus.

Brun saus (frå Ingrid Espelid Hovig's "Den rutete kokeboken"):

• 4 ss smør
• 6 ss kveitemjøl
• 1 liter buljong
• salt og pepar
• 0,75 dl matfløyte

Brun smør i ein kjele. Ha i mjølet og brun det litt. Rør heile tida. Pass på å ikkje bruna det for mykje, ellers kan sausen få ein brent smak. Ta kjelen av plata og avkjøl bruninga litt.

Spe på med kokande buljong. Ha først i halvparten og rør til ei glatt røra. Tilsett så resten. Sett gryta tilbake på plata. Rør til det kokar opp, og la sausen koka 5-10 minuttar. Smak til med salt, pepar og fløyte. Om du synst sausen vart litt for lys kan du ha i sukkerkulør, men det er ikkje nødvendig for smaken sin skyld. Server med poteter og ertestuing.

Sjokoladevafler

Kven seier at ein ikkje kan kosa seg på ein heilt vanleg måndag? Ikkje eg i alle fall, så i dag small eg til med sjokoladevafler. Har lenge hatt lyst til å prøva denne oppskrifta frå Tine, men det har liksom aldri blitt tid til det...heilt til no! Gjor ein liten vri og hadde i litt finhakka kokesjokolade for å få ekstra sjokoladesmak. Huskar eg prøvde meg på sjokoladevafler ein gong då eg va liten, men utan mykje hell. Desse deriomot blei eg ganske så fornøgd med. Dei er nesten litt som brownies i vafelform, men ikkje heilt. God og kraftig sjokoladesmak er det i alle fall på dei.

• 4 dl mjølk
• 2 egg
• 2,5 dl kveitemjøl
• 0,5 dl kakao
• 2 ts bakepulver
• 1 ts vaniljesukker
• 3 ss sukker
• 0,5 ts salt
• 50 g smør (smelta)
• 50 g kokesjokolade

Visp egga og tilsett mjølk. Bland dei tørre ingrediensane og rør dei inn i egge- og mjølkeblandinga saman med smelta smør. Kvern sjokoalden til fint pulver og ha den i røra. La vafelrøra stå og svella i 15 minuttar. Steik vaflene i varmt vafeljern og server dei nysteikte med is, krem eller vaniljekesam, og friske bær om du har.

Knekkebrød med gulrot

Eg vart ikkje så fornøgd med dei knekkebrøda som eg laga for ei stund sidan, så eg fjerna oppskrifta frå bloggen. No prøver eg meg igjen med ei oppskrift lånt frå  Trines Oppskrifter, og denne gongen skal eg følgja oppskrifta til punkt og prikke. Trur kanskje eg skal prøva å få til knekkebrød skikkelig før eg begynna eksperimentera så mykje. Fekk forøvrig nokon knallgode knekkebrød av bestmor til min kjære, som eg skal prøva få oppskrifta på og prøva å få til, men eg kjem tilbake til desse seinare. No er det knekkebrød med gulrot som står i fokus. Denne gongen fekk eg det skikkeleg til, og dei vart knallgode! Så no har eg nytt eit lite fat med knekkebrød og sol på verandaen :)

Til 2 brett treng du:

• 50 g kveitemjøl
• 1 lita gulrot (ca 50 g)
• 50 g sesamfrø
• 100 g havregryn
• 50 g linfrø
• 50 g solsikkekjernar
• 2 ts salt
• 100 g rugmjøl
• 1 ts bakepulver
• 0.75 dl rapsolja
• 2 dl vatn

Forvram steikeovnen til 200°C på varmluft. Ha alt det tørra i ein bolle og bland godt saman. Tilsett det flytande og bland godt saman igjen. Finn fram to steikebrett med bakepapir og fordel deigen på desse. Smør deigen utover med fuktige fingrar. Dypp gjerne fingrane undervegs òg. Rut deigen opp før du set bretta i steikeovnen, då knekk dei nemleg lettare opp når dei er ferdige. Steik knekkebrøda i 12-15 minuttar, bytt gjerne rundt på bretta ca halvvegs i steiketida. Og husk å FØLGJA MED, plutselig er nemleg knekkebrøda ferdige.

Ostesaus

Denne oppskrifta her eg riktignok blogga før i dette innlegget, men den er så god og enkel at den fortenar eit innlegg heilt for seg sjøl. Sausen kan brukast som tilbehør til både kylling og fisk, og sikkert svin og biff òg. Dessuten kan den varierast etter kva type kremost ein brukar og kva krydder ein vel å ha i, så mogelegheitene er mange.

Beklagar dårleg bilde. Er det nokon som har tips til fotografering av saus?

4 porsjonar:

• 130 g kremost (eg har brukt Philadelphia Hvitløk & urter)
• 1 buljongterning (høns eller kylling)
• 1 dl vatn
•  3 dl matfløyte
• timian (eller anna krydder)
• salt og pepar

Smuldre buljonterningen i vatnet og kok opp. Ha i fløyten og kremosten. Rør til osten er oppløyst. Ha i timian, salt og pepar. Server med ein gong. Vanskelegare er det ikkje, og så smakar det så godt!

Præriepai

I dag er det igjen fri frå jobb og då pleier eg å laga middag som kan ta noko lenger tid enn det eg orkar etter ein dag med jobbing. Dette er ein sånn middag. Og sidan me bur på Prærien synst eg det berre var naturleg å kalla denne paien opp etter det. Den kan minna noko om sheperds pie eller cottage pie, men dei er utan paibotn. Denne er derimot ikkje det. Og som de kan sjå så klarte verken eg eller min kjære å venta så lenge at eg fekk teke bilde av ein heil pai denne gongen heller. Ein lite tips for å bruka minst tid på å laga paien er å lesa gjennom heile oppskrifta då det er ting som kan lagast medan du ventar på noko anna.

Til 4 personar treng du:

Paibotn

• 100 g smør
• 3 dl grovt mjøl
• litt salt
• 4-5 ss kaldt vatn

Potetstappa

• 6-8 medium store poteter
• ca 50 g margarin
• ca 1 dl mjølk, fløyte eller ei blanding av dei to
• Salt og pepar

Kjøttfyll

• 1 lauk
• 2-3 fedd kvitlauk
• 400 g karbonadedeig
• 2 ss mjøl
• ca 2,5 dl vatn
• 1 kjøttbuljongtrening
• 3 ss tomatpuré
• 1 boks (415 g) skiva sjampinjong
• oregano
• salt og pepar

Lag til paideigen først. Del smøret i terningar og ha det i ein bolle. Bland det saman med mjøl, salt og vatn til du har ein smidig deig. Kjevl så ut deigen til den passar til paiforma di. Eg har alltid litt problemar med å få deigen frå benkeplata til forma etter utkjevling, så eg kjevlar til den passar i botn og så trykker eg deigen opp på kantane. Bruk den teknikken som passar deg best. Det er heller ikkje så dumt å smørja forma, noko eg gløymde, men det gjekk fint likavel.

Lag små hol i deigen med ein gaffel el. Sett den så i kjøleskapet og varm opp ovnen til 225°C eller 200°C dersom du brukar paifunksjon. Når steikeovnen er varm nok forsteiker du botnen i 10-12 minuttar.

Medan paien steiker begynnar du å skrella og dela potetene. Kok dei til dei er møre. Tøm av vatnet og ha i smør og mjølk. Mos potetene til potetstappa med potetstappar eller stavmiksar. Smak til med salt og pepar.

Medan potetene kokar hakkar du lauken og kvitlauken. Surr dette i olja til lauken er blitt mjuk. Ha i karbonadedeigen og bland til den er ferdigsteikt. Dryss så over mjøl og bland godt. Ha i vatn, buljongtreningen og tomatpurèen. Bland det saman og ha så i soppen. La det koka til noko av veska har kokt inn. Smak til med oregano, salt og pepar. Ha kjøttfyllet i paibotnen og fordel potetstappa oppå. Steik paien midt i ovnen på anten 225°C eller 200°C alt etter kva funksjon du brukar (sånn som med forsteikinga) i 20 minuttar. Server gjerne med grøn salat og ein klatt rømme :)

Som de ser av bildet så var paien vellukka ;)

TIPS: om du vil ha ein middag som er raskare å laga kan du laga kjøttfyllet og servera den med potetstappa

Ripsmuffins med kvit sjokoladeganach

Idèen til denne oppskrifta fekk eg då eg stod med hovudet inni ripsbusken og plukka rips. Rips er jo som de veit syrleg, og kvit sjokolade kan vera kvalmande søt om den blir eten åleina, så då vil jo desse jamna kvarandre ut, tenkte eg. I denne muffinsen er det kvit sjokoalde både inni og som sjokoladeganach på toppen.

Til 16 muffins treng du:

• 2 egg
• 2 dl sukker
• 100g smør
• 4 dl kveitemjøl
• 2 ts bakepulver
• 1 ts vaniljesukker
• 1,5 dl mjølk
• rips
• 100 g kvit sjokolade

Sett steikeovnen på 180°C. Smelt margarin og la det avkjøla litt. I mellomtida piskar du egg og sukker til eggedosis. Bland alle dei tørre ingrediensane, og tilsett desse vekselvis med mjølk og smelta smør. Hakk opp sjokoladen og vend den inn i røra for hand. Fyll opp muffinsformene 2/3. Strø så over rips, så mykje som du vil ha og dytt dei litt ned i røra. Det er ein fordel om du har eit muffinsbrett, då er du garantert at muffinsane ikkje vil flyta utover. Hvis du ikkje har det er det lurt å bruka to former til kvar muffins. Steik i ca. 20 minuttar.

Kvit sjokolade ganach:

• 100 g kvit sjokolade
• 1/2 dl fløyte
• 1 ss smør

Kok opp fløyten og ta den av plata. Knekk opp sjokoladen i bitar og rør den inn i fløyten. Rør så inn romtemperert smør. La den stå til den har fått romtemperatur. Ha den så i kjøleskapet i ca 30 minuttar. På mine muffins tok eg å pensla ganachen på, sidan eg synst det blei så grisete å bruka sprøytepose. Her er det smak og behag som avgjer korleis deu gjer det, men spørytar du på må du nesten rekna med å laga dobbel prosjon med ganach. Uansett så endar du opp med ein god og litt annerledes muffins.

Ripspai med vaniljeis

Eg driv forsatt å plukkar på rips frå hagen. Det verkar nesten som om den busken aldri blir tom, så i dag tok eg meg ei skikkeleg god økt og plukka så mykje som eg orka. Noko blei brukt til denne paien, noko skal lagast meir ripssyltetøy av og noko skal frysast til seinare bruk. Har allereie ei oppskrift med rips i tankane, så de får berre følgja med framover. Hvis de, som eg, har ein ripsbusk i hagen så er det ikkje dumt å plukka og frysa ned. Det er ekstra godt med heimaplukkka bær utover hausten, derfor var eg og Helena òg på blåbærtur sist søndag der me fekk plukka tilsaman 8 liter før me gav oss, så det blir nok nokon blåbæroppskrifter utover hausten òg. Oppskrifta på paien har eg lånt frå Middag og mer.

• 2 egg
• 2,5 dl sukker
• 2 dl kveitemjøl
• 2 ts vaniljesukker
• 2 ts bakepulver
• 2,5 dl rips
• sukker
• kanel
• kald Melange
• evt potetmjøl

Sett steikeovnen på 200°C. Pisk eggedosis av egg og sukker. Pisk inn kveitemjøl, vaniljesukker og bakepulver. Hell så massen over i ei paiform og lat den flyta ut i kantane. Strø på ripsen. Om den er litt blaut kan det vera lurt å ha på 1 ss med potetmjøl. Strø over så mykje sukker og kanel som du vil. Eg hadde på veldig mykje kanel og ikkje så mykje sukker, sidan me er veldig glade i kanel her i huset. Ta ut Melange frå kjøleskapet og bruk ostehøvel for å få tynne skiver av smør. Legg smørskivene utover heile paien. Steik den midt i ovnen i 25-30 minuttar. Har steikeovnen din paifunksjon er dette ein ypperleg anledning til å bruka den. Server paien lun med vaniljeis, anten det er heimalaga eller butikkkjøpt. Min vaniljeis er butikkjøpt, så veit de det.

Kvardagsgryta

Denne veka begynnte eg i ny jobb på Esso. Ein skulle trur at å laga hamburger og vaska diverse hyller og dører ville føra til at eg ikkje hadde noko behov for å verken vaska eller laga mat på fridagen min. Den gong ei! I dag har eg verkeleg teke fram mi indre husmor og vaska vindauger, rydda i alle kleda mine, vaska skitne klede, plukka nokon kilo med rips og laga middag og dessert (eige innlegg seinare i kveld). Middagen i dag blei, som de skjønnar av overskrifta, kvardagsgryta. Dette er ei enkel og grei gryta å laga, sidan den verken tek lang tid eller krev dyre og merkelege råvarer. I tillegg så er den ganske så sunn ;)

3-4 porsjonar:

• 400 g krabonadedeig
• matolja
• 1/2 purre
• 2 fedd kvitlauk
• 5 gulrøtter
• 1 terning grønsaksbuljong
• 2 dl vatn
• 1 boks hermetiske tomater
• salt og pepar

Steik karbonadedeigen på høg varme saman med olja. Kutt purren fint og finhakk kvitlauken. Riv gulrøttene. Ha så alt saman, innkludert tomatene, i gryta. Bland saman buljongtreningen og vatn. Tilsett buljongblandinga i gryta og la det koka nokon minuttar, til du er fornøgd med gryta. Alt frå 5 til 10 minuttar skulle halda. Smak til med salt og pepar.

Server med potetstappa eller poteter. Her i huset falt valget på potetstappa enkelt og greit sidan dette tek mindre tid enn å koka poteter.